كم مرّة سمعتو حدا عم يتشكّى انّو اهلو او سِتّو و جِدّو ما بيخلّوه يكبّ شي لو كانو غراض قديمين منزوعين مكسورين! كم مرّة سمعتو حدا كبير عم يخبّر انّو ألعابو من وقت ما كان زغير بعدو محتفظ فيهن. كم مرّة سمعتو عن حدا عم يخبّر انّو هوّي و عم يرتّب اوضتو بدل ما تاخد كم ساعة بقي كل النهار و كل ما لاقى غرض او ألبوم صُوَر او اي شي يقعد يتأمّلن و يتذكّر مواقف و اشخاص بحياتو.
بالنهاية كل واحد مِنّا كان عندو طريق طويل وصَّلو لهاليوم. في اشيا منحبّ نتذكّرها و منتعلّق بكل شي بيربطنا فيها و في اشيا منتمنّى تنمحى و ننساها... شو ما كان في بْسَلتَك افراح و احزان و ذكريات، كيف ما كانت حياتك يسوع بيحبّك متل ما انت و متل ما عندك اشيا غالية عليك عالأرض و بتعتبرها كنوز شو رأيك اليوم نبلّش نجمع إلنا كنوز بالسما!...الله معكن
04 - 10 - 2020, 04:52 AM
العرض الشجري