بيخبرو عن تنين اصحاب عم يتحدّو بعضن مين بيصلّي اكتر بس ما كانو عم يعرفو يقرّرو! راحو عند خوري الرعيّة حتّى ينقّيلن اختبار و يكون الحكم.
قلّن روحو كل واحد عا بيتو و صلّو الأبانا السلام و منشوف بكرا.
بس طلع الضَو ركَضو التنين عا بيت الأبونا ليشوفو مين ربح! سأل الأبونا الأوّل انت كم ابانا و كم سلام صلّيت؟ قلّو 2361 ابانا و 6457 سلام. استحى التاني بس سمع هالأرقام يقول انّو كل اللي صلّاهن هنّي بيت مسبحة واحد بس!
قلّو الأبونا للأوّل عملت منيح بس لو ما التهيت بالعدّ و ركّزت اكتر عالصلا و عا حديثك مع الرب! و قلّن للتنين انّو الصلا مش بكترة الكلمات و الحكي و لا بِكَم مرّة منعيد...الصلا بالقلب، بالصدق، بالإيمان، بالتواضع، بالصمت!...اوقات شمعة و كلمتين زغار بيعملو عجايب...الله معكن
28 - 08 - 2020, 04:03 AM
العرض الشجري