|
 |
 |
 |
|
رقم المشاركة : ( 1 )
07 - 08 - 2020, 06:22 PM
|
|||||||||||
|
|||||||||||
|
تداريب صوم العذراء *****************  اختار التدريب الي يناسبك ١- صلي ١٥٠ مزمور في ال ١٥ يوم. يبقى كل يوم ١٠ مزامير من الانجيل. ودا لا يعني اني الغي الأجبية . ٢- نجرب نخدم في صمت. صعب شويه لأن أي حد بيخدم غاوي يتكلم ويقول رأيه ويقاوح ويجادل ويقول عملت وسويت ويقول أصلهم مش حاسين بي. ٣- ماشي مع شخصية العدرا اللي قلبها مش بيبطل يصلي ان احنا نحاول و لو نص يوم نقعد نتكلم مع ربنا. العدرا كانت تهوى الوحدة. ازاي الواحد يقعد فترة يتكلم مع ربنا؟؟! صلاة يسوع .. مزامير ... يحكي مع ربنا... يتأمل المهم أن جواه بيصلي ... اليومين دول عز الصلاة الداخلية. ٤- مناسبة لهذه الأيام عشان الست العدرا تشجعنا التسبحة اليومية. أي تسابيح حتى لو تراتيل حلو بردو. لان التسابيح والتراتيل معناه ان الواحد عايز يعيش الجو اللي عايشه فيه أمنا العدرا طول حياتها. ٥- تدريب نحاول نحفظ تسبحة العدرا من لوقا 1 من اول كلمة تعظم نفسي الرب. دا مش صعب دول ١٠ آيات نحفظها ونقولها كل يوم في صيام العدرا. ٦- الطاعة العمياء بسبب الحب. تعالوا نريح اللي حوالينا أسبوعين وناخد تدريب نقول حاضر لأي حد في أي وقت إلا في حالة الخطية. يعني لو واحد قالك اسرق قوله لأ. غير كدا قول حاضر. له حق، او مالوش حق ما تتكلمش. تقول حاضر وخلاص. عايزين نتمرن على كلمة حاضر والطاعة لعلنا نقترب شوية من جمال أمنا العدرا. كل سنة وانتم طيبين 
|
|
| قد تكون مهتم بالمواضيع التالية ايضاً |
| الموضوع |
| تداريب صوم أمنا العذراء |
| تداريب نتعلمها من أمنا العذراء |
| تداريب نافعة لنا من حياة وشخصية العذراء |
| تداريب صوم العذراء مريم - ابونا داوود لمعي |
| تداريب صوم العذراء |
العرض الشجري