|
 |
 |
 |
|
رقم المشاركة : ( 1 )
31 - 07 - 2020, 08:58 PM
|
|||||||||||
|
|||||||||||
|
انجيل متى الاصحاح الرابع يسوع يعلم ويشفى المرضى مت 4: 23-، 25  رساله المسيح واضحه من اول يوم خدمه ملخصها زى ما قلنا قبل كده "توبوا ﻷنه قد اقترب ملكوت السموات" والرساله الواضحه كان ليها افعال واضحه.. 1.يطوف كل الجليل... يسوع عجيب انه هو اللى بيروح للى محتاج للى مش عارف للى مش فاهم..خالق يسعى نحو المخلوق.. احنا مهمين عنده وهو بيتحرك عشانا 2.يعلم فى مجامعهم... مكتوب فى العهد القديم هلك شعبى من عدم المعرفه.. عدم المعرفه كفيله انها تخليك تبعد تخليك تايه فى دنيا واسعه عايش زى اللى عايشين بلا هدف او رساله وتموت زيهم بتجرى ورا حاجه مش عارفها لاخر يوم... يسوع كان يمحو الذنب بالتعليم.. يعلمك يفهمك يرشدك يعرفك ينور ذهنك فتقدر تتحرك من مكانك يقوى ارادتك 3.يكرز ببشاره الملكوت... رساله المسيح مفرحه هو عايز يفرحك يطلعك من همك يحط عينك على حاجه غير ارف وهم الدنيا عايزك مبسوط وتبسط اللى حواليك.. كذاب ابليس لما يقول كل تابعيه تعساء او حتى متضايقين او متروكين... الرساله مفرحه معزيه مقويه.. كلام المسيح جميل كلام مليان روح وحياه.. 4.يشفى كل مرض وكل ضعف فى الشعب... يسوع بعد ما يجيلك ويعلمك ويفرحك لازم يشفيك من اتعابك الجسديه او الروحيه او النفسيه هو عايزك سليم معافى.. مكتوب "كل" ﻷن هو الاله لا يعثر عليه امر مفيش وجع عندك هو مش اده... بس لازم يكون الشفاء حسب ترتيبه وحسب مشيئته فى الوقت المناسب.. يسوع بيدور عليا.. يسوع بيعرفنى ويعلمنى.. يسوع بيفرحنى ويعزينى.. يسوع يشفينى من امراضى ومن وجعى.. يسوع الهى وملكى.. 
|
|
| قد تكون مهتم بالمواضيع التالية ايضاً |
| الموضوع |
| تأملات كتابيه بالعامية ( النسب مهم ) |
| تأملات كتابيه بالعامية ( ميلاد يسوع المسيح ) |
| تأملات كتابيه بالعامية (خليك مجوسى) |
| تأملات كتابيه بالعامية (عندك ثمر) |
| تأملات كتابيه بالعامية(مالح ولا عادب) |
العرض الشجري