|
 |
 |
 |
02 - 08 - 2012, 10:03 AM
|
رقم المشاركة : ( 11 ) | ||||
|
..::| الاشراف العام |::..
|
رد: موسوعة متكاملة عن السيدة العذراء
معجزات العدرا مع ضعفى حكايتى مع العدرا وانا لسه صغيره كنت لسه صغيره اوى يعنى 5 سنين لكن مش قادره انسى التفاصيل دى جالى مغص فظيع باليل وقمت كانت الدنيا ضلمه وماما نايمه جنبى اتكسفت اصحيها جيت اروح لبابا كان نايم وخفت اطلع بره الاوضه رجعت وانا فى شده الالم ومكنتش اعرف انى اصلى لكن شفت الاتى غمضت عنيا شويه فلقيت هاله من النور كلها نجوم وباين فيها صوره العدرا وشايله الطفل يسوع شويه وبعدين فتحت لقيتها اختفت والالم راح لكن صوره العدرا محفوره فى ذاكرتى حتى الان من غير ما انده عليها لما اتجوزت سافرت بلد مكنش فيها كنيسه وكان فى فتره جوايا مخاوف كتير وقلق وكنت بصلى ان ربنا يقف معايا وفى يوم بعد ماصلينا باكر جوزى نزل شغله وانا نمت وحلمت بالعدرا ومارجرجس بيلفوا حوالين قبه كنيسه معينه وصحيت كويسه ونفسيتى مرتاحه جدا ولما بحكى لاختى على الحلم قعدت تعيط لانها كانت اليوم اللى قبله فى كنيسه مارجرجس وقالتله بالحرف روح لاختى هى محتجالك شفاعتك يا ام النور وانا مريضه بعد فتره تعبت جدا جالى الم شديد فى بطنى والدكاتره شخصونى غلط ودخلت اوضه العمليات على انى عندى كيس ميه ودى عمليه سهله متاخدش غير نص ساعه بالكتير كل ده واهلى ميعرفوش حاجه وانا لوحدى تماما مع جوزى فى الغربه بعد ما بدات العمليه وفتحوا بطنى لقوا ان مفيش حاجه ولا كيس الميه اللى شافوة فى الاشعه لكن لقوا حاجه غريبه جدا لقوا حاجه خرجت من بطنى كيس كبير فيه صديد قوامه زى الطحينه وحجمه قد زجاجه البيبسى اللتر جوزى كان موجود وانزعج جدا للمنظر اللى شافه وكنت طولت اوى فى العمليات وكان ليه 6 ساعلت وفى الاخر اتضح انى عندى عيب خلقى مولوده بيه والحمد لله العمليه تمت على خير لكن تعبت اوى وقعدت فى المستشفى فتره طويله ونفسيتى تعبت وكان الجرح على شكل حرف t وهنا ظهرت مشكله جديده وقت فك الغرز الخيط دخل تحت الجلد وده مش من النوع اللى بيدوب وكان ممكن يعمل التهاب وكان مكان اتصال الجرحين مفتوح وده معناه انه الجرح مش هيقفل الا لما يطلع الخيط وكان الحل ان الدكتور يفتح ببنج موضعى ويطلعه ونظرا للالم اللى شفته مكنتش متحمله اى الم تانى فاترجيت ام النور وقلتلها انا عمري ما طلبتك وكنتى مش بتسبينى وانا دلوقتى اول مره انده عليكى ونمت ولما صحيت الجرح كان قفل فى ليله واحده وبكده مش محتاجه ان الدكتور يطلع الخيط لان الجرح كده التام لوحده اشكرك يا امى الحبيبه على مساندتك ليا |
||||
|
|
العرض الشجري