|
 |
 |
 |
|
رقم المشاركة : ( 1 )
06 - 07 - 2019, 07:05 AM
|
|||||||||||
|
|||||||||||
 الدوبامين dopamine مادة سعادة رهيبة بتغرق المخ اول ما نعمل حاجة تبسطنا .. الموضوع لغاية كده مفيهوش حاجة .. المشكلة تبتدي لما نعمل حاجة و نكررها و يطلع الدوبامين كتير قوي، و المخ يبقي عاوز من ده كتير تاني و تالت و رابع علشان يحس بالنشوة.. و هنا تبتدي رحلة الإدمان.. مش بس ادمان المواد ، إدمان الحاجات !! زي ايه ؟؟ زي الاكل و النت و الفيس و الالعاب الإلكترونية ، مع عشرات الأمثلة.. انت مش قد الدوبامين لا انت و لا اولادك.. علشان كده الولاد اللي بيتعرضوا بدري للموبايلات و النت و الفيس و الالعاب مخهم بيتلخبط و كلامهم بيتأخر و علاقاتهم بالناس بتتشل ، و ما يقدروش يستغنوا عنها ، لدرجة أن فيه أبحاث ربطت بينها و بين أغلبية الاضطرابات السلوكية و اخطرها التوحد .. ده مش بس كده ، حتي الكبار حياتهم كلها ببتلخبط، علاقاتهم بتتشقلب، و يبقوا ماسكين الموبايلات زي اللي بيشربوا مخدرات كل دقيقة يبصوا فيها ، يسببوا الناس و الزيارات و الأصحاب و العيلة و يقعدوا يقلبوا فيها بلا توقف اكتر حتي من مدمن الهيروين.. علي الاقل مدمن المخدرات بيشرب كل يوم أو كل اسبوع إنما مدمن الموبايل متعلق بيه كل لحظة في اليوم .. و الحل.. لازم تقول له لأ و لأ و لأ و تلاقي له بديل : قراية ، رياضة ، خدمة .. و لازم نطفيه فترات في اليوم و تفتحه فترات محددة ، علشان المخ يهدي و يرتاح و يخف من أثر المادة المرعبة دي .. كمان لما نروح زيارة أو مقابلة اشترطوا علي بعض تقفلوهم تمام طول القعدة.. الولاد لغاية سن ٣ سنين ممنوع تماما ، و لو للضرورة يبقي بالكتير ساعة في اليوم و تبقي حاجات تعليمية بس .. و الاولاد في المدارس ليهم وقت محدد مش طول النهار عمال علي بطال ؛ و نلاقي ليهم بدايل : لعب و رياضة و فسح و نادي و مؤتمرات و صلوات و عبادة و مناقشات ... خللي بالكم.. ما حدش قد الدوبامين !! 
|
|
| قد تكون مهتم بالمواضيع التالية ايضاً |
| الموضوع |
| فوائد زبدة الفول السوداني تعزز زيادة الدوبامين المتعة الجنسية للإناث |
| الدوبامين يعلّم الطيور المغردة أصواتاً جديدة |
| الدوبامين يتكون من تناول السكر |
العرض الشجري