|
 |
 |
 |
|
رقم المشاركة : ( 1 )
25 - 02 - 2019, 09:49 PM
|
|||||||||||
|
|||||||||||
 مش كفايه تصلي لامراضك الجسديه بس 🙄 مشغولة بفكرة الشفاء اوى الفترة دى. كلنا بندعى ربنا لينا ولغيرنا بالشفاء . بس اللى بفكر فيه دلوقتى هو مفهوم الشفاء أو الغرض منه، يعنى عايزين نتشفى من ايه؟ فى الغالب الكلمة دى مربوطة بشفاء الأمراض الجسدية الخاصة بينا أو باللى نعرفهم. لكن اللى بفكر فيه حالياً إننا محتاجين ندعى بالشفاء لحاجات تانية كمان ، لأمراض باطنة وعميقة جوانا مستخبية. محتاجين ندعى ونصلى علشان نتشفى من #أمراض_نفوسنا اللى اتأذت من حاجات كتير جداً. نفوسنا متأثرة بطفولتنا واللى حصل فيها، بكل كلمة وإساءة تصرف اتعملت فينا سواء بقصد أو بغير قصد. محتاجين نصلى علشان حيلنا_الدفاعية اللى بتطلع فى مواقف كتير ومش بنكون عارفين اللى وراها ويمكن مش عارفين انها حيلة دفاعية من الأساس. محتاجين نصلى علشان نقدر نكون نفسنا ونقلع كل الوشوش اللى لابسينها حماية لنفسنا من أى أذى يتوجه ضدنا. سواء الوش ده جامد أو هزلى، فى الإتنين بنقول حاجة من وراه. محتاجين نصلى علشان كل #خبرات_سلبية عدينا فيها وسابت بصمة جوانا فى حتة معينة فى نفسنا و بقت عائق حالى لما بتتكرر نفس الخبرة دى تانى. محتاجين نصلى علشان نتشفى من #الصورة_المشوهة_عن_نفسنا، وعن شكلنا وجسمنا وعن امكانياتنا وقدراتنا. محتاجين نصلى علشان كم الصور اللى مش حقيقية اللى اترسمت فى أذهاننا عن ربنا "شخصه وتصرفاته وتعاملاته معانا كبشر). محتاجين نصلى #لأسوار كتير تقع فى حياتنا. وأسوار تانية تتبنى كحصن حقيقى مش مزيف لينا. وثغرات كتير تترمم. محتاجين نصلى لكل #المعقولات_الشريرة. مكتوب: "القلب أخدع الأشياء وأخبثها فمن يَعرِفُهُ؟ " نصلى علشان اللى يعرفه واللى خالقه واللى حاطط روحه فيه يكشفلنا حيله فمنكونش مخدوعين من نفسنا. 
|
|
| قد تكون مهتم بالمواضيع التالية ايضاً |
| الموضوع |
| طين الشفاء |
| الشفاء هو |
| الشفاء |
| قوة الشفاء |
| الشفاء |
العرض الشجري