زوّادة اليوم: الصليب هوّي أساس إيماننا المسيحي
لفتنا منشور عا مواقع التواصل الإجتماعي بيقول: اعظم نجّار بالتاريخ بنى جسر بيوصل الأرض بالسما و كل اللي استعملو هنّي خشبتين و تلات مسامير!
بالفعل يسوع بصليبو كان صلة وصل بين الأرض و السما، بالصليب خلّصنا، بالصليب غلب الموت و صارت القيامة، بالصليب ترجملنا الحب اللي كان يحكيلنا عنّو...
نحنا اليوم وين من صليب الرب؟ نحنا اليوم شو عم نعمل حتّى نكون قد التضحية اللي قدّملنا ياها يسوع؟ عم نمشي عالجسر اللي عطانا ياه صوب السما او متكمشين بالأرض و الإشيا اللي فيا؟ عم نعيش جوهر الصليب و معانيه او بس منلبسو منظر؟ صار الوقت نترك القشور و الأرضيّات و نرجع للأصل و نتذكّر انّو الصليب هوّي اساس ايماننا المسيحي...الله معكن
07 - 02 - 2019, 03:17 AM
العرض الشجري