زوّادة اليوم: المسامحة
من اكتر تراتيل الميلاد المعروفة اللي منردّدا: ليلة الميلاد يمّحى البغض ليلة الميلاد تزهر الأرض...
انّك تسامح حدا غلط بحقّك صعبة كتير و بعد اصعب انّك ترجع تتصالح مع حدا يمكن صرلكن سنين مش حاكيين، صعب الواحد يكسر من حالو و يتنازل خصوصا اذا كان مأكّد انّو هوّي معو حق! بس الأكيد انّو الانسان مخلوق متل غيرو و يسوع المسيح اله تنازَل و صار انسان متلنا حتّى يخلّصنا. قدّام هالتنازل اللي صار بدافع الحب و اللي عملو ابن الله كرمالنا بدون حتّى ما نطلب منّو معقول تنازل زغير عن كبرياءنا بعدو صعب هلقد...
انشالله زمن الميلاد هالسنة بيحمل معو كل الحب و السلام و الأمان و ما يبقى تنين مختلفين ابدا...الله معكن
11 - 12 - 2018, 02:53 AM
العرض الشجري