|
 |
 |
 |
|
رقم المشاركة : ( 1 )
04 - 01 - 2018, 08:00 AM
|
|||||||||||
|
|||||||||||
 مشرط الله يستأصل الخبيث من جسمنا فضلت أصلي وأقوله بلاش الموضوع الفلاني ، قلتله يارب انا هقبل منك اي حاجه بس بلاش الموضوع دا مرت فتره ولقيته اللي انا خايف منه حصل بكل تفاصيلة ، حسيت ساعتها ان ربنا كان بيغش مني التفاصيل اللي هتوجعني وتضايقني عشان يعملها فيه اييييييييه ....؟! انت كنت مستقصدني جسمي كله سليم قدامك اضرب ف اي حته فيه ، اشمعني بتيجي ع وجعي وتضرب افتكرت نظريه قالها خادم ف الاجتماع زمان فتح الجرح ، الجرح لما بيقفل وهو فيه صديد جوه بتبقي مشكلة ، والحل عشان الجسم يخف ان الجرح يتفتح تاني والوجع يرجع تاني (لفترة موقته) بطريقة مختلفة ، عشان يوريك انه جراح شاطر وانه انت ف ايدين امينه ، ينضف الجرح ويقفل تاني ربنا عاوز يقووول " اييه يا حبيبي الحجات اللي بتخاف منها ..؟ بتخاف من الاماكن العالية " فيروح واخدك وطالع ع اعلي مكان ف العالم ويكون وياك بتخاف م النار هيعدي بيك فيها بس وهو شايلك بتخاف م المرض هتمر بيه بس عينه عليك وسهران ع راحتك بتخاف من الناس والعلاقات ، هيرميك ف قلب ناس جديده وعلاقات جديده ويجدد ثقتك ف الناس قد يبان انه قاسي وهي بيفتح ف عمق الجرح وبيضرب ع مكان الوجع بالظبط قد يبان تعنته معانا ، قد يبان انه مستقصدنا وانه مش وراه غيرنا ، وانه ساب اشرار الارض كلها وركز ع خطايانا احنا ثق تماما حبيبي ان مشرط الله يستأصل الخبيث من جسمنا بيشيل اي مشاعر مش موجوده ف كتالوج صورته ومثالة عشان يرجعنا ع طبيعتنا الاولي فيشيل الخوف عشان يعلمنا الاتكال اكتر ويشيل الخوف ازاي بانه يعبر بينا ف وسط كل حاجه بنخاف منها ربنا لما بيفتح جرحك تاني ثق تماماً انه لخيرك مش الهدف وجعك الهدف هو نقاء الجرح دا حتي لو كلف شويه تعب ف النص كدا اعتقد كل خوف الشعب وهما طالعين من مصر كان من ان فرعون يرجع ف كلامه ويييجي وراهم بخيوله يرجعهم للعبوديه واكيد كانو بيصلو عشان دا ميحصلش بس ربنا كان شايف حاجه تاني فجيوش فرعون تظهر وراهم وهما يخافو ويترعبو ويتزمروا لموسي فيشجعهم انهم يمشوا فيروحوا يلاقوا البحر قدامهم ط يعني مقفله من كل ناحية بس وسط ما هي قفلت قوي كدا ووسط ما عجزت كل حلول البشر يفتح طريق ف البحر وتشتغل حلوله العجيبه ويصنع عجب لا يوصف وحكايات يعيش بني اسرائيل يحكوها لاولادهم لحد انهارده كان ممكن كل دا ميحصلش ، كان ممكن م الاول ربنا يمنع فرعون اني ييجي وراهم م الاساس بس هو اظهره ليهم جاب اكتر حاجه هما خايفين منها وقالهم اهه خوفكم ارموه وراكم وعدو معايا ف البحر ويدفن خوفهم ف قلب البحر ف اعمق لججه فيعيش بني اسرائيل متحررين من خوفهم باقي ايام حياتهم 
|
|
العرض الشجري