| |
|
|
|
|
|
||||||
|
|
أدوات الموضوع | انواع عرض الموضوع |
|
#1
21 - 12 - 2017, 10:41 AM
|
||||
|
||||
 كنت نازل اسحب فلوس من ATM ركنت العربية صف تاني قدام البنك ونزلت على اساس اني هاسحب على طول وهمشي ولما وصلت لقيت مكنتين واحده عليها طابور والتانيه مفيش عليها حد عملت ناصح زي اي حد وسألت هي دي بايظه !! قالولي مافهاش فلوس فوقفت في الطابور وكل شوية حد يجي يسأل هي بايظة ولا ايه نقوله مافهاش فلوس فايقف في الطابور جه امين شرطه محترم ولزقلي مخالفه محترمه سبت مكاني وجربت عليه اقوله انا دقيقه وهامشي لكنه طلع من الشرفاء ومرضيش يتهاون 🙈🙈 استعوضت ربنا ووقفت تاني في الطابور وكان اول واحد بيسحب تقريبا اول مرة يتعامل مع المكنه ومش فاهم حاجه والمكنه طلعتله الكارت يجي عشر مرات ويدخله تاني المهم جه واحد دخل على الماكنه البايظه ومن غير مايسأل الناس دخل الكارت وسحب فلوس ومشي كلنا بصينا لبعض وبدأنا نقول مين اللي قال مافهاش فلوس فطلع الشخص اللي واقف في اول الطابور ومعطلنا معرفش يسحب ففكر انها مافهاش فلوس ،، فقال للي وراه .. واللي وراه قال للي وراه وهكذا يعني انا اتضريت وخدت مخالفه واتعطلت بسبب اني سألت الناس وصدقت كلامهم والناس للأسف بتمشي ورا بعض من غير ما تتأكد وطلع اللي ماشيين وراه " مابيفهمش " في النوع ده من التكنولوجيا خلاصة الكلام ماتصدقش غير اللي تشوفه بعينك ماتمشيش ورا كلام حد بطريقة مطلقه ماتخليش حد " اعمى " يقودك خلي كل تفاصيل حياتك نابعه من اقتناعك مش من رأي الناس علشان ماتتعطلش ولا تاخد مخلفات ولا تلبس ف الحيط قيس على كلامي كل حاجه في حياتك علاقات اجتماعية وعاطفية واسرية وعملية فكر في اللي تسمعه ، وصدق اللي تشوفه 
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| ماتصدقش اللي يقولك انت جيت غلطة | walaa farouk | الأسرة والطفل | 0 | 03 - 09 - 2022 08:13 PM |
| كل اللي بقوله اللي تشوفه أنت يارب | walaa farouk | صورة وتعليق | 0 | 10 - 02 - 2022 02:33 AM |
| ماتصدقش معظم الوعود اللي بتسمعها، | Mary Naeem | موسوعة توبيكات مميزة | 2 | 15 - 10 - 2017 11:30 AM |
| اللي تشوفه يارب | ميرو | صورة وتعليق | 4 | 31 - 03 - 2016 04:22 PM |
| اللي تشوفه يا رب | Mary Naeem | صورة وأية من الكتاب المقدس | 0 | 19 - 12 - 2013 07:02 PM |
العرض الشجري