|
 |
 |
 |
|
رقم المشاركة : ( 1 )
25 - 10 - 2017, 10:20 AM
|
|||||||||||
|
|||||||||||
|
تنويعات علي اوتار انجيل مرقس ... نغمة ٤١ ..تتمة اصحاح ١٠ ثق ...قم ...هوذا يناديك 46 وَجَاءُوا إِلَى أَرِيحَا. وَفِيمَا هُوَ خَارِجٌ مِنْ أَرِيحَا مَعَ تَلاَمِيذِهِ وَجَمْعٍ غَفِيرٍ، كَانَ بَارْتِيمَاوُسُ الأَعْمَى ابْنُ تِيمَاوُسَ جَالِسًا عَلَى الطَّرِيقِ يَسْتَعْطِي. 47 فَلَمَّا سَمِعَ أَنَّهُ يَسُوعُ النَّاصِرِيُّ، ابْتَدَأَ يَصْرُخُ وَيَقُولُ: «يَا يَسُوعُ ابْنَ دَاوُدَ، ارْحَمْنِي!» 48 فَانْتَهَرَهُ كَثِيرُونَ لِيَسْكُتَ، فَصَرَخَ أَكْثَرَ كَثِيرًا: «يَا ابْنَ دَاوُدَ، ارْحَمْنِي!». 49 فَوَقَفَ يَسُوعُ وَأَمَرَ أَنْ يُنَادَى. فَنَادَوُا الأَعْمَى قَائِلِينَ لَهُ: «ثِقْ! قُمْ! هُوَذَا يُنَادِيكَ». 50 فَطَرَحَ رِدَاءَهُ وَقَامَ وَجَاءَ إِلَى يَسُوعَ. 51 فَأَجَابَ يَسُوعُ وَقَالَ لَهُ: «مَاذَا تُرِيدُ أَنْ أَفْعَلَ بِكَ؟» فَقَالَ لَهُ الأَعْمَى: «يَا سَيِّدِي، أَنْ أُبْصِرَ!». 52 فَقَالَ لَهُ يَسُوعُ: «اذْهَبْ. إِيمَانُكَ قَدْ شَفَاكَ». فَلِلْوَقْتِ أَبْصَرَ، وَتَبِعَ يَسُوعَ فِي الطَّرِيقِ هذا الحدث من المؤكد أننا كلنا نعرفه و لكن خلونا نركز في كام بعد روحي ... ممكن اكون اعمي ..غير مبصر لنعمة ربنا ...ساقط في خطية و نجاسات قلب ..ماليش علاقة حقيقية بيه ... مجرد علاقة مالهاش ملامح ...اه ممكن ..بس المهم وسط الضلمة دي انك تفضل علي الطريق لحد ما ييجي اللقاء المنتظر ..خليك مربوط بالكنيسة و أسرارها و الكتاب المقدس و الصلاة حتي لو مش متعزي و مش فاهم و متلخبط و لسه في ضلمة السقوط و مافيش نعمة ..و لسه بتستعطي و بتشحت مشاعر و احاسيس الناس قبل عطياهم .....ما هو أصله اكيد مش حيديك الا اللي حيشفق عليك الاول ... فيه ناس تعيش حياتها شحاتة من الناس ..تسترضيهم و تشكيلهم و تجاملهم بمبالغة و تتودد ليهم علي حساب الحق بس علشان يفضلوا في حياتها سند خايب ...شحاتة مشاعر ...شكوي و ديما دموع و تذمر ..يمكن تنتزع شفقة ناس بس ساعة الجد زي ما شفتوا كده ... انتهروه ..احتقروه .. هو ده العالم ..يقطر علينا و ساعة الجد يقلل من قيمتنا...انتهروه لأنه مش ده اللي يعطل المسيح و لا يوقف الموكب و لا يستاهل اصلا الاعتبار ..مجرد شحات ....لما تلاقي الكل انفض من حواليك و اقرب الناس ليك بينتهرك ...زيد صراخا ..فرصتك الأخيرة للحياة ...أن تبصر ..يابن داود ارحمني ... سيستجيب ... تلاتة حطهم في قلبك و حلقة في ودنك ...ثق ...قم ..هوذا يناديك ... خلي عندك ثقة فيه ...قوم من قعدتك و اعمل فعل إيجابي ..قدم توبة ..اتحرك في صلاة بصراخ حقيقي انتزع بيها قوته .. هوذا يناديك معناها لقاء شخصي ..النعمة جايالك انت ..حتي لو عدت سنين مر و ضيق و ظلم و شقا ..لازم حيجي و يناديك انت ..باسمك .. ما هو عارفك ...راسمك ..حاسس بيك ثق ..قم ..هوذا يناديك خد بالك من طرح الرداء دي ...سياسة الترك اللي اتكلم فيها يسوع من اول الاصحاح ..فيه حاجة لازم تتساب ..طرح الرداء ...الرداء ده مش اجمل حاجة يعني ..ده ستر للبلاوي اللي جوه و حتي تلاقيه نفسه ستر قذر ...اصل اكيد واحد ما بيشوفش ..مرة يقعد في حتة مش نضيفة و مطينة .. و مرة و هو بياكل من اكل العطايا تلاقيه بيدلدق علي نفسه .. ما العالم حتى لو عطالنا بيدينا بالمذلة ..لما بتدي شحات اكل ما بتدلهوش معاه معلقة و لا شوكة ..عطية الدنيا ناقصة ...و الجعان بيقبل القليل لكن الشبعان يدوس الشهد ..ترك الرداء يعني ساب ستره الخايب و راح يتستر في الخلاص الحقيقي ..راح يعري اللي جواه ..يعري نفسه المهترأة و الممزقة ..ليبصر ..فينضف ..هو ده اللي بيعمله سر التوبة ..تبصر ..فتنضف ..بس عاوزة تطرح الرداء ..رداء الكرامة و الذات و العنجهية و انا ما بغلطش و انا و صنم نفسي و هو خلاني اعمل و هي اللي خلتني اعمل ......اطرح الشكل ..ورقة التين الخايبة ...خدمة سطحية ..شوية كلام خايب و روحانية زايفة علي الفيسبوك زي كلامي الساذج اللي بيه اتصورت ناس طيبة منكم اني حاجة و أن الراجل ده بتاع ربنا و الحقيقة اللي يعرفها ربنا مرة ما تشرفش ..اطرح رداء التظاهر بالسعادة و عري دموعك ..اطرح التظاهر بالقوة و عري ضعفك ..اصرخ في جدار الصمت اللي سجنت نفسك فيه سنين ... سؤال مستفز ؟! ماذا تريد أن أفعل بك ؟ ...يعني يارب مش شايف ..ما هو اعمي يايسوع ..لا ...ربنا بيسالك هو انت عاوز ايه ..ماهو ممكن كان طمعان في عطية من يسوع بس تبقي كبيرة شوية و عجباه عيشته و شحاته ..يقولك حعمل ايه بعيني ..لسه حبدأ و اشتغل و اتعب ..فيه ناس ما ترضاش تبصر لأنها حتشيل مسئولية ..ناس يبقي عندها مشكلة و الحل سهل بس ترفض و تعاند و تكابر لأنها عاجبها حالة الشحاتة دي ...انت عاوز عطاياه و لا رحمته ..انت عاوز فلوس و بيت و عربية و نجاح و عروسة و و و و و ....و لاعاوز تبصره هو و الباقي ده يجي ما يجيش مش دى القضية ..عاوز عطيته و لا أن تبصر النور ...حلو لما داود يقول معك لا اريد شيئا علي الارض ..ده بتاع عاوز رحمته مش عطيته ...انت عاوز ايه من ربنا ..سلام و نجاح و شفا و رزق ...ماشي بس كده ...سهلة ممكن تاخدهم بس برضه حتفضل تستعطي ..و لا تبصر و تشوف و ساعتها حياتك تتقلب و تتغير ... ياسيدي أن ابصر ...صلاة مهمة اوي للي مش حاسس أنه خاطئ و ضعيف ...صلاة مهمة للي مش راضي يعترف أنه مريض و محتاج شفا و معاند و عمال يبرر لنفسه أنه مظلوم و الدنيا عمرها ما عطته و أن الناس وحشة و أنه و أنه و أنه ...اريد أن ابصر للي لسة حاصر علاقته بربنا في شوية طلبات أو توبة و سقوط من غير ما يتمتع بالعشرة معاه ...صلاه للي محتار هو صح و لا غلط ..هو فعلا مظلوم و لا ظالم ..هو ضحية و لا جاني ...ساعات ناس عاشقة دور الضحية محتاجة تبصر انها في كتير من حياتها جانية ...اريد أن ابصر ...عاوز اشوف مجدك فارتفع فوق الالم و الوجع ..عاوز اشوف السما فتصغر الأرض في عيني ..عاوز ابصر و اشوفك فاشبع ..عاوز ابصر فاشوف أن اللي معانا اكتر من اللي علينا فاطمن ...عاوز ابصر ...الله يخيرني لأنه يحترمني ...انت عاوز ايه ...اغسطينوس يقول الله الذي خلقك بدونك لن يخلصك بدونك ..اديني يارب اني ابصر ...ادي كل واحد معمي و بيتخبط أنه يشوف الحقيقة و الحق ...ادينا نطرح الرداء و نبصر .. لالهنا المجد و الكرامة نبيل شحاتة 
|
|
| قد تكون مهتم بالمواضيع التالية ايضاً |
| الموضوع |
| ثق قم هوذا يناديك |
| هوذا يناديك ..... |
| هوذا يناديك ..... |
| هوذا يناديك |
| ثق. قم. هوذا يناديك |
العرض الشجري