الخطوبه العرفي :

[Rena Jesus]

الخطوبه العرفي :

اختراع جديد عايشاه بنات كتير وفاكره نفسها مخطوبه بجد ،
الباشا في حياتها له كل حقوق الخطيب ،
بيحكم وينهي زي مايحب وهي فرحانه وعايشه علي امل انه هايبقي جوزها ،
كل اهلها يعرفوه ، بيتصل بأمها وخالتها وعمتها ومصاحبهم ،
بيلعب مع ابوها طاوله ومع اخوها كوره ،
كل الجيران والعيله عارفين انه خطيبها رغم ان مافيش لا دبله ولا فرح ولا حتي وعد بالارتباط علي المدي القصير ،
بتزور امه وممكن تخدمها وتجيب لها هديه في عيد الأم ،
سنه سنتين ويخلع تحت اي مبرر عبيط.
وتصحي البنت مفزوعه مش فاهمه ايه اللي حصل ،

بس اللي حصل انه عاش فتره خطوبه ممتعه وببلاش
والراجل عموما مابيدفعش الحساب بعد ما بيشبع .