(انا ساندة عليك ) ..
جملة سمعتها في اغنية بالصدفة و قعدت افكر ..انا مين في حياتي مسنودة عليه؟ ولقيت نفسي لاول كام دقيقة كدة محدش خالص جاي في دماغي ! ..
طب انا مش مسنودة علي حد يبقي هاقع؟ بالعكس انا صالبة طولي تمام ومش حاسة احساس اني ماشية علي حبل من غير البني ادمين دول .. من غير ما ابقي وحدي لو مالقيتهمش ..ومن غير ما ابقي هاموت لو محدش جمبي .. طب ياربي صلبة الطول دي جيالي منين؟
ايه؟ ياربي ! انت اول حد جه في بالي و باخد رأيه .. انا ازاي نسيتك وانت في ضهري .. انا مسنودة علي نعمك و انك سايبني ابقي كويسة من غير ما اتغير للاوحش ..انا مسنودة علي فرصك ف كل يوم بتديني يوم جديد اصلح اللي بوظته امبارح و اعمل اللي اقدر عليه انهاردة.. انا مسنودة علي حبك ف مستقوية ع الظروف جدا .. انت نشفت عضمي و بقيت قوية بيك .. شكرا انك ساندني من غير ما احس اني حمل عليك. 😊😊😋
15 - 06 - 2017, 09:07 PM
العرض الشجري