و إنتي بتربي إبنك متنسيش تعلميه يحترمك و يقدر مجهودك علشان هيكبر و يبقى كائن مقرف مبيحترمش الستات كلهم لأنه من البداية معرفش يحترمك، متسمحيلهوش يتدخل بينك و بين أبوه ولا يأخذ صف حد فيكم، متسمحيلهوش يغلط في حد قدامك و خصوصاً لو أخته أو خالته او اي واحدة ست قدامك و إنتي قاعدة زي كوز الدرة.
طبعاً هو من البداية لو كان شاف أبوه بيحترمك كان هو كمان عمل زيه!!!! لأ غلط، لأن ممكن تكوني أرمله أو مطلقة و بردو مش عارفة تربيه علشان شايفاه الكائن إللي محصلش. و لو متجوزة و جوزك بيعاملك بقلة أدب و قلة ذوق، فإنتي إللي سمحتيله يتعامل معاكي كدا من الأساس.
بطلي تتكلمي عن نفسك و جنسك بدونية و ألفاظ تقلل من شأنك، لما يسمعك بتتكلمي عن البنات و الستات القرايب أو الجيران بشكل مقزز طبيعي هيقرف منهم و يتعامل معاهم بتعالي.
إنتي سبب المشكلة، لما تقوليله " كل سنة و إنت طيب يا حبيب ماما" و يقولك و إنتي طيبة و لما أبوه يقولهاله يقوله " و حضرتك طيب" إعرفي إنك في حياة إبنك مجرد خدامة.
#ربوا_ولادكم_بقى
17 - 02 - 2017, 09:33 AM
العرض الشجري