|
 |
 |
 |
|
رقم المشاركة : ( 1 )
13 - 11 - 2016, 01:45 PM
|
|||||||||||
|
|||||||||||
|
"أزمة الهوية" معظمنا لما بيقرأ العنوان ده بيجي في زهنه على طول الهوية للدين أو للغة أو الهوية العربية الخ... لكن أنا عايزه أكلمكم على أزمة هوية من نوع تاني خالص بقى لي فترة بقرأ فيه. كلنا عارفين يعني ايه مراهقة... وكلنا برضه عارفين ما يسمى "بالمراهقة المتأخرة" اللي بتحصل لبعض الرجال في الاربعينات... لكن قليل جدا اللي يعرف ان في أزمة بتحصل للإنسان في المرحلة العمرية من 28-35 سنة اسمها "أزمة الهوية" Identity crisis... العلم الحديث اثبت ان الإنسان بيحصل عنده تغيرات جسدية وعقلية وعاطفية كبيرة كل سبع سنوات تقريبا من أول الولادة... واثبت كمان ان من اخر ما يكتمل نضوجه في المخ هو القشرة الأمامية prefrontal cortex واللي هي مسئولة عن التخطيط ووضع الأولويات والسيطرة على الإندفاعات... والإكتمال ده بيحصل في أواخر العشرينات ... كمان في اواخر العشرينات بيحصل تواصل أفضل بين أجزاء المخ المسئولة عن المشاعر والمدخلات الإجتماعية (زي مثلا فكرة "الناس هتقول عليا ايه") من جهة وأجزاء المخ المسئولة عن التخطيط والمخاطرة واتخاذ القرارات المهمة من الجهة التانية... طيب ده نتيجته ايه؟ نتيجته انه وارد جدا في المرحلة دي من حياتك (٢٨-٣٥ سنة بالتقريب) يحصلك أزمة هوية...تلاقي نفسك متلخبط... بتسأل "انا مين؟" "أنا عايز ايه؟" "هو القرارات اللي أخذتها في حياتي دي كانت صح ولا عملت زي الناس وخلاص؟" "هو انا عايز أفضل في الشغلانة دي؟ أو مع الشخص ده" "طب ايه اللي انا حابب اعمله"... من الاخر تلاقي نفسك بتغني " ببص لروحي فجاه لقتني كبرت فجاه تعبت من المفاجأه ونزلت دمعتي"... تلاقي نفسك عايز ترجع تاني تدور على نفسك... كل مشاعرك القديمة اللي أثرت فيك وانت معالجتهاش صح تبدأ تطلع... تبدأ تشك في كل حاجة اتعلمتها من غيرك قبل كده وتحاول تتخلص من قيود العادات والتقاليد والقيل والقال... في تغيرات حقيقية بتحصل في مخك! طيب نعمل ايه في الفترة دي؟ كل اللي فات ده طبيعي وبيحصل لنا ... أهم حاجة في الفترة دي.. القرارات اللي هتأثر في حياة غيرك (زي جواز أو سفر) مهم جدا تتريث فيها وتستشير... والقرارات اللي هتمس معتقداتك ومبادئك خلى بالك انك حتى لو أفكارك وأولوياتك اتغيرت ما تطلعش أبدا بره دائرة الشرع وماتمشيش بهواك... أما القرارات اللي تخصك وحدك ولا تقع في الاتنين اللي فوق دول فنصيحة...اتبع قلبك... شوف انت لاقي نفسك فإيه واعمله... ميهمكش الناس هتقول ايه... الفرص مش بتستنى حد... والتطور في العالم أسرع مما تتخيل... أطلع من دائرة الراحة بتاعتك وجرب وخد المخاطرة... اسمع اراء الناس اللي بتحبك بس في الاخر متقلدش وخلاص... فكر وقرر بنفسك لنفسك عشان تعدي من الأزمة دي وانت لاقي نفسك الحقيقية  صدقوني هي مرحلة سخيفة وملخبطة لكن لو ركزنا فيها على اكتشاف نفسنا الحقيقة بمعزل عن تأثيرات الناس هنحقق حاجات عمرنا ما نتخيلها وهنبقى سعداء! عشان كده النص التاني من التلاتين بيحصل طفرة في نضوج البني ءادم.. وكل قاعدة وليها إستثناءات cpd 
|
|
| قد تكون مهتم بالمواضيع التالية ايضاً |
| الموضوع |
| انتحال الهوية |
| الهوية الرقمية |
| البرنامج الرئاسي يطرح رؤية لحل أزمة الهوية المصرية |
| عمرو موسى يلتقى مخيون لبحث أزمة مواد الهوية بالدستور |
| البلتاجى: أزمة مصطنعة لتفجير التأسيسية وتصدير أزمة للوطن |
العرض الشجري