|
 |
 |
 |
|
رقم المشاركة : ( 1 )
06 - 10 - 2016, 07:36 AM
|
|||||||||||
|
|||||||||||
|
ليه لازم إبني أو بنتي يروحو الحضانة ؟! ــــــــــــــــــــــــــــــــــــــــ أهم أسباب إن الطفل لازم يروح حضانة: • يتخلص من فرديته ف التعامل مع نفسه والاشياء، ويتخلص تدريجيا من شعوره بالخجل، ويتعلم يعتمد على نفسه شوية ساعات في اليوم بعيدا عن علاقته بباباه ومامته  • كمان لازم الطفل يخرج بره مجتمع البيت، يحتك بغيره من الأطفال، يعرف إنه مش محور الكون ودي بالأخص الحاجة اللي بتسبب مشكلة لكتير من الأهالي زي أنانية طفلهم مثلا. • كمان يعرف يعني إيه ملكية فردية، وملكية الغير، وحريته وحرية زميله اللى معاه ف الحضانة، وهنا بيبتدي طبيعي ويتفهم يعني ايه في نظام .. يعني ايه يبقى في وقت ناكل فيه ووقت نذاكر فيه ووقت نلعب فيه • الحضانة بتبقى دايما عالم جديد الطفل بيكتشفه ويتدرب على التعامل معاه، ولما بينجح ويحب الحضانة، بيوصل لمرحلة ان ده بيساعدة يواجه أي تغير تاني ممكن يحصل ف حياته. بيكون شجاع وعلى قد المسئولية • غير إن في اخطاء كتير بيتم ارتكابها اثناء تربية الأطفال في منازل آبائهم، الحضانة بتساعد في تصليخ ده ...  • غير التحصيل اللغوي وتنميه المهارات الحركية واليدوية والذهنية وزيادة نشاط الطفل واجتماعيته وسعادته واتاحة فرصة للعبه المنظم مع زمايله تحت إشراف تربوي مش مجرد لعبه مع باباه ومامته، وكل ده بينعكس بشكل ملحوظ على ذكاء الطفل وتحصيله المعلوماتي الحالي والمستقبلي • الحضانة بتقوي التضامن الاجتماعي ، فـ بنلاحظ التكامل الاجتماعي محقق في أن الاطفال بيتعاملوا مع بعضهم و بيتعامل معاهم المعلمات مهما كانت مستوياتهم الاجتماعية ، و ده برضه بيشجع اتحاد عائلات الأطفال لهدف مشترك هو إن التعليم للجميع ، فيساهم العامل والمهندس و الطبيب والضابط و غيرهم على حد سواء لتوفير تعليم مميز لاولادهم ، وده بيقوي الشعور بالفضيلة و تقدير الناس.  • كمان بيسهل التحاق الوالدين بسوق العمل لأنه بيوفر الفرصة للسيدات بالتحديد للانضمام لسوق العمل ، و الأم مش هتعمل كده إلا اذا اطمنت أن الخطوة دي في صالح إبنها و مميزة عن كونه معاها في البيت ، و لكده ده يعتبر تشجيع للمرأة على الانضمام لسوق العمل و زيادة دخل الاسرة ، • كمان تحقيق تكافؤ الفرص التعليمية : لأن المدارس و الحضانات بالتحديد بتوفر فرصة متساوية لتعلم جميع الأطفال، و بتتأكد من مراعاة الفروق الفردية و الاختلافات في اساليب التعلم ، كمان بتوفر الفرصة لنجاح اكبر للأطفال في المرحلة الابتدائية ؟! آه ... بحيث يكونوا إتأقلموا على جو المدرسة . • ومن الحاجات المهمة هو التعلم من الحياة : لأن التعليم في مرحلة الحضانة بيعتمد على محاكاة الواقع، فالاطفال بيلعبوا كأنهم في السوق، و يشتروا و يبيعوا ، و يمثلوا الوظائف المختلفة، وده بيساعد على التنمية الفكرية للطفل و تأسيسه في مبادئ الرياضيات و العلوم و اللغات ، و بتوفر الحضانة الفرصة لللنوع ده من التعلم اللي مش بيبقى متوفر للأطفال في البيت ، لأن الأسرة بتبقى مشغولة بالحياة و طلباتها معظم الوقت ، ــــــــــــــــــــــــــــــــــــــــــ 
|
|
العرض الشجري