|
 |
 |
 |
|
رقم المشاركة : ( 1 )
02 - 10 - 2016, 06:53 PM
|
|||||||||||
|
|||||||||||
 الحاجة اللي بتتنطط جواك اول لما تصحي الصبح وانت بتسمع نيللي وهي بتحكي قصة الفراشه وتقعد تدور عليها الكليب كله وانت متشوق امتي هتظهر وبعدين يخلص الكليب وتروح تدور علي فراشات بجد وتحب تلعب معاها وتتفرج عليها ولما تاخدك بكل رقي للتورته علشان تقولك مين اللي خبزها واللي تعب ووصلها ومين اللي هنقوله كتر خيره وتفضل مركز في كل تفاصيل الاغنية مع انك صغير وميهمكش اوى موضوع تورته بس الأداء الرائع للاغنيه بيجبرك تفضل مركز كأنها التورته بتاعتك وتتعلم تقدر اى حد بيتعب ويجبلك حاجه وتقوله شكرا وكتر خيرك تلاقيها مبهجة جدا في اوبريت اللعبة والعروستين الكبار اللي بيشدوا في اللعبة والغريبة كل مرة نزعل لما لعبتهم تتقطع من كتر الشد فيها ويعلمونا نحافظ علي لعبنا تنام شويه تصحي علي العصر تلاقي سيد الملاح بيغني ويتحرك ويكلمك عن الشاي والابريق وودنه وايده ولما يخلص تعيط لمامتك علشان تجبلك الابريق الصيني الكنز الثمين اللي في البيت علشان تراجع معلوماتك تاني نخلص شاي ياخدنا محمود ياسين في رحلة مع اسرته الجميلة جوه زوبة ويقعد يقول انها قد البلية وتلف الدنيا واللي شافوها قالوا اروبه وهي قد علبة الكبريت بس بنطلع من الاغنية دي بالترابط الاسري الجميل ومادام احنا مع بعض هنشوف زوبه مرسيدس ومفيش اجمل من انك تنام علي صوت عبد المنعم مدبولي وهو بيغني لحفيده كان في واد اسمه الشاطر عمر وكمان كان في جده بشنبات وهو عمال يحضرله سندوتش كبير جدا وتروح المخبز اول لما تشوفه تفتكر الاغنيه وتبقي عاوز تاكله علشان تبقي شاطر زي عمر وبتاكل كويس الفن والابداع والعبقرية في الزمن ده انهم كانوا بيوصلوا دروس كاملة باغاني بسيطة ،، تفضل فاكرها طول عمرك ومتزهقش منها راح الزمن ده ومعظم الناس راحوا بس فضلت اغانيهم محفورة ومتكررتش اغاني تانيه بجمالها ،،، شكرا ليكم ،، سيبتوا جوانا ذكريات جميلة ودروس اجمل  ❤️عفوا ،،، انه زمن الابداع ياسادة 
|
|
| قد تكون مهتم بالمواضيع التالية ايضاً |
| الموضوع |
| ياصاحب العيد ياصاحب الميلاد اجعل دائما ممتلئه قلوبنا بالمحبة والتواضع |
| المهم الروح ياسادة |
| ياصاحب الحنان |
| أنا عايزك أنت ياصاحب القوات |
| ترنيمة ياصاحب الحنان |
العرض الشجري