![]() |
انه زمن الابداع ياسادة
https://upload.chjoy.com/uploads/147543436751.jpg الحاجة اللي بتتنطط جواك اول لما تصحي الصبح وانت بتسمع نيللي وهي بتحكي قصة الفراشه وتقعد تدور عليها الكليب كله وانت متشوق امتي هتظهر وبعدين يخلص الكليب وتروح تدور علي فراشات بجد وتحب تلعب معاها وتتفرج عليها ولما تاخدك بكل رقي للتورته علشان تقولك مين اللي خبزها واللي تعب ووصلها ومين اللي هنقوله كتر خيره وتفضل مركز في كل تفاصيل الاغنية مع انك صغير وميهمكش اوى موضوع تورته بس الأداء الرائع للاغنيه بيجبرك تفضل مركز كأنها التورته بتاعتك وتتعلم تقدر اى حد بيتعب ويجبلك حاجه وتقوله شكرا وكتر خيرك تلاقيها مبهجة جدا في اوبريت اللعبة والعروستين الكبار اللي بيشدوا في اللعبة والغريبة كل مرة نزعل لما لعبتهم تتقطع من كتر الشد فيها ويعلمونا نحافظ علي لعبنا تنام شويه تصحي علي العصر تلاقي سيد الملاح بيغني ويتحرك ويكلمك عن الشاي والابريق وودنه وايده ولما يخلص تعيط لمامتك علشان تجبلك الابريق الصيني الكنز الثمين اللي في البيت علشان تراجع معلوماتك تاني نخلص شاي ياخدنا محمود ياسين في رحلة مع اسرته الجميلة جوه زوبة ويقعد يقول انها قد البلية وتلف الدنيا واللي شافوها قالوا اروبه وهي قد علبة الكبريت بس بنطلع من الاغنية دي بالترابط الاسري الجميل ومادام احنا مع بعض هنشوف زوبه مرسيدس ومفيش اجمل من انك تنام علي صوت عبد المنعم مدبولي وهو بيغني لحفيده كان في واد اسمه الشاطر عمر وكمان كان في جده بشنبات وهو عمال يحضرله سندوتش كبير جدا وتروح المخبز اول لما تشوفه تفتكر الاغنيه وتبقي عاوز تاكله علشان تبقي شاطر زي عمر وبتاكل كويس الفن والابداع والعبقرية في الزمن ده انهم كانوا بيوصلوا دروس كاملة باغاني بسيطة ،، تفضل فاكرها طول عمرك ومتزهقش منها راح الزمن ده ومعظم الناس راحوا بس فضلت اغانيهم محفورة ومتكررتش اغاني تانيه بجمالها ،،، شكرا ليكم ،، سيبتوا جوانا ذكريات جميلة ودروس اجمل https://www.facebook.com/images/emoj.../2764_fe0f.png❤️ عفوا ،،، انه زمن الابداع ياسادة |
رد: انه زمن الابداع ياسادة
موضوع مميز شكرا يا قمر |
رد: انه زمن الابداع ياسادة
روووووووووووووعة
|
رد: انه زمن الابداع ياسادة
حلووووو جداااااااااااااا
|
رد: انه زمن الابداع ياسادة
ميرسى لمروركم الغالى
:):):):) |
رد: انه زمن الابداع ياسادة
ميرسى على موضوعك الجميل
|
رد: انه زمن الابداع ياسادة
ميرسى لمرورك الغالى
:):):):) |
رد: انه زمن الابداع ياسادة
دائماً مُشاركاتَكْ رائْعة
موضوعك مُمَيز ربنا يبارك خدمتك |
رد: انه زمن الابداع ياسادة
ميرسى لمرورك الغالى
:):):):) |
الساعة الآن 11:51 AM |
Powered by vBulletin® Copyright ©2000 - 2025