|
 |
 |
 |
|
رقم المشاركة : ( 1 )
01 - 09 - 2012, 01:00 AM
|
|||||||||||
|
|||||||||||
|
قريت قصة قصيرة كدة ع النت من فترة بتقول :
سأل أمريكيا مصري : ما هي طموحاتك ؟ رد المصري : أن أجد وظيفة ثابتة ، وأن أتزوج بالفتاة التي أحبها ! فرد الأمريكي : انا أسألك عن طموحاتك ، وليس عن حقوقك !! ـ المقولة حلوة واللي بيقراها بيضحك ويسقف  بس تعالى طبقها على حياتك كدة كمصري ! هتلاقي انها فعلا صح جدا ! الشاب المصري هو الوحيد اللي بيكون طاير من الفرحة لما يعرف انو قبل ف وظيفة ، مهما كان هيطفح الدم فيها ! انا من اسبوع نزلت شغل ، ومن 3 ايام جالي تليفون لوظيفة تانية بليل ، وشغال الاتنين ، ومن ساعتها وانا يا اما ف الشغل ، يا اما نايم ، يا اما بصلي بشكر ربنا اني اشتغلت ! ، ودي مش اول مرة اضطر فيها اني اشتغل شغلانتين ! فرحان وكأني بروح الاقي فلوس في الشارع !! ، مع اني بطفح الدم ! والوظيفتين مالهمش اي علاقة لا بمجال دراستي ولا باللي بحبه ! شباب كتير اوي زيي ! اعرف شباب بتشتغل 3 شغلانات ! وبينامو 4 ساعات ! الشاب المصري لو بطبيعته الكلام والشكوى ، هيملا الدنيا شكوى بس لأن طبيعتو السكوت والكتمان ، وأنو فاهم الرجولة انها تحمل وعمل في صمت ، فهو ساكت ويبان عليه انو راضي ! الشاب دة ، فين طموحاته في الدنيا ؟ الشاب اللي بيشتغل عشان يصرف على بيتهم ، او على اخواته ، دة فين طموحه ؟ بلاش طموحه فين حقو انو يتجوز اصلا ويستقر !؟؟ الشاب المصري اغلب من الغلب ! لما بيتسأل عن طموحاتو بيقول الاقي شغل واتجوز ! وميعرفش ان دي حقوقه ، وهو خلطها بكلمة طموح نتيجة لغلبة ! ــ في البلد دي ، ازاي الشاب دة يتقدم ؟ ازاي يكون له طموح انه يفيد العالم بحاجة ! طموحات الشاب المصري ! صفر ! 
|
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| مفاجأة في واقعة الشاب المصري المعتدى عليه في الكويت |
| تفاصيل مقتل الشاب المسيحى المصري بأمريكا |
| نعـم إنه الشاب المصري , إحساس عالي جداً |
| تعريف الشاب المصرى |
| من مميزات الشاب المصري |
العرض الشجري