|
 |
 |
 |
|
رقم المشاركة : ( 1 )
06 - 04 - 2021, 09:58 PM
|
|||||||||||
|
|||||||||||
|
كلنا ولاد ناس بس مش كلنا ولاد اصول !!  الصحوبية بتتاخد باكدچ مره واحده كده علي بعضها ، يعني مينفعش تفرح وتنساني في فرحك ، و مينفعش تزعل ومكنش معاك ، مينفعش احتاج حاجة ومتبقاش جمبي ، مفيش صحاب بيخبوا ، و يكدبوا ، و يتخابثوا ، ويتلاءموا !! يعني تحبلي الخير ، و تتمناه وتقف معايا ، و ف كتفي ف اي مصيبة ، يعني اما اعمل كارثة اجري عليك وتقف جمبي وتساعدني ، و لما افرح إنت اول حد يجي ف بالي يفرحلي ، احنا كبرنا ، اقل موقف بيفرق معانا لو عملت حاجة صغيرة حلوة بفضل فاكرهالك.. ولو شيلتني يوم اشيلك عمر بحاله ، اهلك هما اهلي ، و انا جزء من حياتك و عايشها معاك ، وبقاسمك كل حاجة ، الصحوبية مش بالسنين ، الصحوبية مواقف ، والعزوة حلوة بس في صاحب ب ١٠٠٠ صاحب ، صاحب بيحبك فعلا ، بيحبك أكتر مابتحب نفسك ، ف ربنا يرزقنا ويرزقكم بصحبه سالكه وقلبها نضيف وعيونها تتمنالك الخير والرضا دكتورة_نفسية كانت بتقول لما دورنا علي الأشخاص الرئيسيين اللي ليهم تأثير كبير علي المرضي لقينا ان 80% منهم بيتأثروا جدا بصحابهم .. - بطل من أبطال تفجير ميناء إيلات صمم انه يسحب جثة صاحبه لمسافة 16 كيلو .. و لما سألوه ليه عملت كدة و اترددت قبل القرار دا ولا لا .. قالهم انه مترددش لحظة و انه عنده يتعب شوية اهون بكتير ما يشوف جثة صاحبه ف التليفزيون و الاسرائيليين بيفتخروا انهم قتلوه .. - في مقولة بتقول " صديقك الحقيقي هو الذي يقف أمامك ليحجب عن الناس رؤيتك ضعيف.. غير كدا لأ حتى لو عدا علي صحوبيتنا تلاتين سنه كلنا ولاد ناس بس مش كلنا ولاد اصول !! 
|
| أدوات الموضوع | |
| انواع عرض الموضوع | |
|
العرض الشجري