شخصيات كتابية نتعلم منها ( فوطيفار )

[walaa farouk]

فوطيفار
معنى اسمه عطية إله الشمس أو عطية رع
يمكن البعض يستغرب اننا نتعرف على شخصية فوطيفار وايه اللي عمله فوطيفار علشان نتعلم منه؟
فوطيفار الشخصية اللي دايما لما بقرأ سفر التكوين يستوقفني وافضل اتأمل فيه
وجه الوقت اللي نتشارك فيه التأمل في شخصية فوطيفار
1- فوطيفار الأمين
منصب رئيس الشرط أو خصي فرعون مش بالساهل انه واحد يثق فيه فرعون لدرجة ان بيته يكون فيه أسرى الملك
علشان كده بسبب امانته لفرعون وكله على أسراره
2- فوطيفار وتمييز الله
فوطيفار كان مصري يعني كان وثني لكن في آية عجيبة في سفر التكوين 39: 3
3 وَرَأَى سَيِّدُهُ أَنَّ الرَّبَّ مَعَهُ وَأَنَّ كُلَّ مَا يَصْنَعُ كَانَ الرَّبُّ يُنْجِحُهُ بِيَدِهِ
ازاي عرف فوطيفار ان يوسف الرب معاه
ازاي عرف ان يوسف برئ ولم يقتله
3- فوطيفار المحب
تعالوا نتخيل الموقف
عبد عبراني اتهمته زوجة فوطيفار زور
كان على فوطيفار انه يقتله وده كان طلب زوجته
لكنه سجنه والسجن ده دليل انه مقتنع انه برئ
بل ووصى عليه بالخير
لأن موضوع ان يوسف يمسك المساجين ويكون بمثابة رئيس السجن
تخيلوا مثلا أخطأت في حق شخص ذو منصب في البلد واتسجنت
بصراحة هتشوف ايام سودا 😃
لكن فوطيفار كان محب ليوسف
تعالوا نطبق اللي اتعلمناه
1- ان كنت أمين في حياتك الله يعطيك وزنات كتير وتكون أمين على الكتير
فعود نفسك انك تكون أمين في أبسط الأشياء حتى لو تذكرة مترو أو ربع جنيه أو أقل الأشياء
الأمين في القليل أمين في الكثير
2- لو انت أمين في عملك الله يعطيك تمييز علشان تميز بين الجيد والردئ وتكون ناجح في عملك
2- محبتك للجميع هتكون كنز هتحتاجه في أيامك الصعبة
وقت ما تقع تلاقي كتير يرفعك ويشيل عنك