|
 |
 |
 |
|
رقم المشاركة : ( 1 )
25 - 03 - 2019, 10:18 PM
|
|||||||||||
|
|||||||||||
 ماتكلمنيش تانى لا صح انت مابتكلمنيش دانا اللى بكلمك وانا بقي مش هكلمك تانى - بس انا ماعملتش حاجه تستحق كدا ! = ياسلام ! امال كل اللى انا فيه دا من مين ! - مش انا السبب ، انا لو ماكنتش جنبك وقتها كان هيحصلك اكتر من كدا = هو فيه اكتر من كدا ! طب لا بقي اسمحلى انا مش هكمل ف العلاقه دى انا هبعد - بس انا ماينفعش اسيبك = ودا ليه ! ماتقوليش بحبك ! - بس انا فعلا بحبك = كل دا وبتحبني ! كل البكا دا وبتحبني ! هو انا مابصعبش عليك هو انا ازاى هونت عليك. .. سايبنى لكل دا وهاملنى وتقولي بحبك!!! انت لا بتحبني ولا بتسمعنى.. . انت لو كنت بتسمعنى كنت عرفت قد ايه انا متعذبه ، كنت شيلت شويه عنى عالاقل...!! - انا ماقدرش اشرحلك واقولك لو ماكنتش محاوطك وقتها كان حصلك ايه ! بس انا بسمعك ومش بتهونى عليا.... عيبك انك حاطه حاجه معينه ف دماغك أن هى دى اللى هتفرحك واي حاجه تانيه غيرها بتحصل بتبقي حلوه مش بتفرحك لانها مش ع مزاجك = ومادام عارف انى عاوزه حاجه معينه ماتديهانى ع الأقل ترتاح من زنى - هو بغض النظر عن كلامك بس انا بحب دوشتك دى جدا ، وبحب صداعك وبحب زنك عليا بطلباتك وبأخر عليكى الحاجه عشان انتى مستعجله ديما و متسرعه ومندفعه ودا ماينفعش لازم تتعودى ع أن كل حاجه ف وقتها بدوم اكتر وبتستمر وبتبقي احلى = ماشى بس انا زهقت وتعبت وبكيت كتير ويئست من رحمتك ..انت بتحبني بجد ! - انا بحبك لأبعد حد ... ومابيهونش عليا زعلك ومش بهملك زي مابتقولي انا ببعت وببعت كتير وبجهزك للحلو الكبير اللى جاى والتجارب دى ليها هدف انا مش بديكى الحمول دى عشان فاضى ف بنكد عليكى شويه لا ! انا بعمل كل حاجه بهدف وبتكون غير متوقعه وبدون مناسبه وماينفعش اشرحلك اهدافي لانى لما اشرح هتتوقعي اهدافي ولما تتوقعي مش هتتفاجي ومش هتفرحى فهبقي ماعملتش حاجه ! انا ببقي حاضنك وقت حزنك وضعفك ! انا مش بقعد ع عرشى واسيبك تعيطى قدامى مذلوله ومدبوحه ...ابدا ... بنزل من ملكى وبوطى وبحط ايديا عليكى واقعد جنبك وانتي بتعيطى ويمكن بعيط جنبك ... بعدها بساعدك وارفعك عشان تقومى = بس انا آخر مره قولتلك انى بحبه ماتخليهوش يمشى ! - كان لازم يمشى ... انتى اللى مسكتى فيه انا من الاول مش موافق وانا مش طبعى اغصب عليكى حاجه ف سبتك تجربي = خلاص كنت حطيت فيه الخير ليا وادتهونى مادام شايفني ماسكه فيه - ماينفعش لانه مش من طبعك ولا شبهك ولا فيه منك حاجه انتى عنيده ودماغك ناشفه لو كنت بعدتو من الاول كنتى هتجرى وراه مالقتش حل غير انى اوريكى بعنيكى لانك للاسف مابتصدقيش غير لما بتشوفي وتحسى ف كان لازم تجربي عشان تقتنعي انه ماينفعش ليكى ف ادتهولك ويوم ماصدقتي كلامى جايه تلمونى عشان مامنعتكيش ! =..... - ارفعى راسك انا حبيبتى ماتوطيش راسها ، انا بنتى ماتتكسرش انتى اقوى من كدا انا ماخلقتكيش ضعيفه مهزومه . . انتى جربتي وانا علمتك التجارب مابتتضعفناش التجارب بتقوينا وتقوى عضمنا .... لازم تعرفي انك اغلى من اغلي حاجه ف الدنيا اوعى ثقتك ف نفسك تتهز .. . انا مابخلقش حاجه ضعيفه بجناح مكسور ابدا = .... ممكن احضنك ! - تعالى ♥ منقول 
|
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| عتاب يسوع لوالديه على صعيد الالتزام اللاهوتي والرِّسولي |
| 💖 رسالة عتاب من يسوع 💖 |
| عتاب |
| عتاب من يسوع اليك |
| عتاب الاب |
العرض الشجري