لو بصيت على ربنا إنه هدفه الرئيسي والوحيد إنك تبقى مبسوط هتتلخبط أوي في ربنا، لأنه أكيد هييجي عليك وقت وتحصل حاجة تضايقك ولأنك عارف إن ربنا عايزك مبسوط طول الوقت هتلومه وتقوله انت ليه عملت فيّ كده!! العلاقة اللي قايمة ومبنية بس على الانبساط والسعادة طول الوقت هي علاقة مش بتكبَّر ولا بتبني، أي علاقة بيكون فيها مناقشات وتساؤلات، هي دي اللي بتبقى أعمق وواحدة من الحاجات اللي بتتعبنا في صورتنا عن ربنا هي إننا دايماً فاكرين نفسنا فاهمين كويس أوي إحنا عايزين إيه ولو محصلش بالنسبالنا الدنيا وقفت، ولما بنلاقي احتياجاتنا مش مشبَعة بنلوم ربنا، لكن في رأيي للأسف في حاجات إحنا بنبقى فاهمينها لكن في برضه جزء كبير بيبقى مخفي عننا، والناس القريبة مننا هي اللي بتبقى شايفاه، وجزء تاني ربنا بس اللي بيبقى عارفه لأنك ببساطة مش كل حاجة هتقدر تحكيها للناس وعلشان كده لازم تدوّر وتسأل، وأهم واحد هيعرف يكشفلنا نفسنا هو الله، بالقعدة معاه هتفهمه وهتفهم نفسك كمان، ماتتخلاش عن القعدة دي ..
15 - 11 - 2017, 11:32 PM
العرض الشجري