|
 |
 |
 |
|
رقم المشاركة : ( 1 )
08 - 11 - 2017, 06:17 AM
|
|||||||||||
|
|||||||||||
 داود_و_النبله داود لما نزل بالأكل ل اخواته وهما بيتسعدوا للحرب مع الفلسطينيين ولاقى في واحد فلسطيني اسمه جليات طوله حوالي 290 سم كدا ولابس درع ضخم وزن الدرع لوحده حوالي 15 كيلوا ليه أربعين يوم كل شويه يقول لليهود "هتولي راجل يحاربني وإذا انا فزت تبقوا انتوا عبيد ولو هو موتني يبقى احنا عبيد".. طبعا اول لما شاول الملك هو والجيش إلى معاه شافوا الراجل دا كله فضل خايف ومحدش قادر يطلع يحارب... هما تقريبا اقتنعوا خلاص انهم يبقوا عبيد بس مين يروح يضحي بنفسه علشان يموت وخلاص " انتا عارف العمر مش بعزقه لو حرب نموت كلنا ماشي لاكن اموت لوحدي مينفعش " وَجَمِيعُ رِجَالِ إِسْرَائِيلَ لَمَّا رَأَوْا ٱلرَّجُلَ هَرَبُوا مِنْهُ وَخَافُوا جِدًّا.... صَمُوئِيلَ ٱلْأَوَّلُ ١٧:٢٤ يعني عاملين فيها رجاله ونازلين حرب وفي الاخر بتهربوا قدام راجل واحد بس " يا شماته الأعداء فينا ". لدرجة ان الملك عرض على الجنود أن إلى يهزم جليات يتجوز بنته ويخليه اغني واحد في إسرائيل وبرضوا كله خايف أربعين يوم صبح وليل ومفيش ولا واحد عندوا الجراءه انه يحارب داود وهو بيودي الاكل سمع كلام جليات و سمع موضوع الجواز دا وقال انا ممكن اروح احارب في الوقت دا داود كان راعي غنم ولسه غلام يعني 18 ل 20 سنه كدا.. شاول الملك قاله انتا متعرفش تحارب انتا لسه عيل كدا بصراحه بقى لكن داود أصر وصراحة كدا شاول تعب من الذل أربعين يوم قال كدا كدا مش فارقه كتير بس الاول خد الدرع بتاعي وكمان السلاح وذبط نفسك كدا واتوكل على الله.. داود حاول بس انه يمشي بالدرع معرفش يمشي.. أمال تحارب اذاي داود ساب الدرع والسيف وراح مسك عصايه ونبله وقال انا كدا فل... ورغم أن كل الي شايف المنظر متأكد من موت داود حتى جليات لما شافه استحقره لاكن داود كان واثق في نفسه جدا.. وهوب من اول زلطه جات في دماغ جليات خليه داخ ووقع وداود بسرعه قدر انه يقطع راسه بالسيف بتاع جليات نفسه +إلى عايز اقوله انك ممكن جربت طرق الناس الي قبلك وفشلت وممكن تكون مختلف عن الناس الي حواليك وطريقتك جديدة وممكن تكون مش منطقية بالنسبة لناس تاني بس انك تكون واثق في ربنا و واثق في نفسك دا أهم حاجة +داود مكنش في ليه وعد من ربنا انه ينتصر وكمان اخواته شافوا انه مغرور وسايب الغنم بتوع ابوه وجاي يتسلى ويتفرج... برضوا احنا ساعات بيكون كلام ربنا لينا مش واضح واقرب الناس ليك ممكن تكسر فيك بس طول ما انتا واثق ان ربنا بيدبر الأمور متخافش وكمل وهو اكيد ساندك «أَنْتَ تَأْتِي إِلَيَّ بِسَيْفٍ وَبِرُمْحٍ وَبِتُرْسٍ، وَأَنَا آتِي إِلَيْكَ بِٱسْمِ رَبِّ ٱلْجُنُودِ... صَمُوئِيلَ ٱلْأَوَّلُ ١٧:٤٥ 
|
| أدوات الموضوع | |
| انواع عرض الموضوع | |
|
العرض الشجري