|
 |
 |
 |
|
رقم المشاركة : ( 1 )
12 - 03 - 2017, 11:58 AM
|
|||||||||||
|
|||||||||||
 الابن الضال..قصة كلنا حافظنها..عارفنها.. اتقال فيها كلام كتير..تفسيرات كتير..تاملات اكتر.. كلنا شفنا نفسنا فيها..بس هى بالنسبالى 3 مشاهد!! المشهد الاول الاب.. من اول القصة بيحب ابنه.. مراحمه عليه كل يوم... رغم كدة لما ابنه قرر انه يبعد ماجبروش انه يقعد معاه غصب عنه.. قبل اهانة ابنه له لانه معنى انه يطلب نصيبه كانه بيورثه و هو لسة عايش.. شخص عجيب ازاى ممكن يقبل كل ده؟؟ازاى!! المشهد التانى الابن.. لما ضيع كل فلوسه و بقى بيشتهى اكل الخنازير.. و هو قاعد مع نفسه بيفكر فى حاله..و بيشوف الللى وصله.. اعتقد سال نفسه السوال ده ازاى ممكن ابويا يقبلنى تانى ازاى بعد ما بعت الغالى و ضيعت كل فلوسى ممكن يسامحنى!!.. ده حتى كل الناس اللى سالتهم بعدو عنى.. و يمكن لما فكر بتفكيره قال اقصى حاجة ممكن يرجعنى خدام..ده لو سامحنى.. المشهد الاعظم.. فى طريقه لبيته و هو خايف.. شاكك..بيطارده رفض الناس..ماضيه..ضعفه..اهانته لابوه..ندمان..فى وسط كل ده.. ابوه بيظهر فى المشهد..واقف..ملهوف..مستنيه..شافه..جرى عليه.. مستنهوش يكمل حتى الطريق بكى بحرقة على ابنه..حضنه بلهفة و قوة..قبله.. كسر كل الافكار اللى كانت بتدور ف عقل الابن... و بتخلص القصة بنهاية سعيدة..مش كدة!! بس الحقيقة القصة لسة مستمرة لحد دلوقت.. ابليس لحد النهاردة بيستخدم نفس السلاح..نفس الكذبة. اللى حارب بيها الابن.. هل ممكن الله يقبلنى؟؟.. هل الله هيغفر بجد كل حاجة عملتها..مش هيفتكرها..بس انا وعدته كتير..و خنته كتير هل لسة شايف فيا امل ولا خلاص كدة؟؟.. بس الحقيقة ان احنا دايما شايفيين ربنا بعنيينا و قدراتنا احنا.. حتى فى الغفران و يمكن ده بان فى متى 18:21-22.. "حِينَئِذٍ تَقَدَّمَ إِلَيْهِ بُطْرُسُ وَقَالَ: يَا رَبُّ كَمْ مَرَّةً يُخْطِئُ إِلَيَّ أَخِي وَأَنَا أَغْفِرُ لَهُ؟ هَلْ إِلَى سَبْعِ مَرَّاتٍ؟ قَالَ لَهُ يَسُوعُ: لاَ أَقُولُ لَكَ إِلَى سَبْعِ مَرَّاتٍ بَلْ إِلَى سَبْعِينَ مَرَّةً سَبْعَ مَرَّاتٍ.".. بطرس فكر بفكره و قال انا لو غفرت سبع مرات ابقى كدة كويس لكن المرة الثامنة خلاص مفيش غفران خلاص.. لكن يسوع تحدى تفكير بطرس و حساباته عن الغفران..الغفران متاح على طول لكل واحد بيطلب من قلبه و بكل اتضاع قلب.. فى دم المسيح يسوع على الصليب..الله قابلك..شايفك و انت فى ضعفك.. مستنيك بس ترجع مهما كان ماضيك..ضعفك..مهما كانت حالتك.. 
|
| أدوات الموضوع | |
| انواع عرض الموضوع | |
|
العرض الشجري