هيلين كيلر

[walaa farouk]

هيلين كيلر ..

كاتبة وأديبة أمريكيه وحاصله على بكالريوس... بنت فاقدة للسمع والنطق والبصر لكن كان عندها قدرة عجيبة على تحدي الاعاقة وازاي واحده مش بتشوف ولا بتسمع قدرت توصل للمكانة دي في حين ان لو واحد فقد حاسة واحدة ممكن ينهار.. ما بالك بواحدة فقدت اتنين من اهم الحواس ومن وهي طفلة كمان!!

بس من غير آن سوليفان المُعلمة اللي قدرت تزرع الامل فيها ماكنش هيكون فيه هيلين كيلر..
آن سوليفان كان عندها القدرة انها تصبر على هيلين كيلر وترافقها طول حياتها وتعلمها من الصفر وتوصل معاها انها تاخد بكالريوس في الفنون والأدب.. كمية الصعوبات اللي واجهتهم وساعات الاحباط معتقدش ان ممكن بشر يستحملها، بس تخيل انهم وصلوا في الاخر واصبحوا ايقونات الارادة البشرية على مر العصور، استمرو مع بعض ٤٧ سنة لحد ما آن ماتت.

وكانت دايمًا بتقول " إن الإعاقة في اليأس فقط " فعلاً لو كانت هيلين استسلمت لحالتها ويأست من حياتها كان الوضع هايكون مختلف أوي، هيلين اتفوقت على نفسها وابهرت العالم بكتابتها وفنّها
أصبحت أديبة عالمية، وحصلت على بكالوريوس العلوم والفلسفة ودراسة العلوم العليا ودرست النحو وآداب اللغة الإنجليزية، كمان درست اللغة الألمانية والفرنسية واللاتينية واليونانية، وحصلت على شهادة الدكتوراه في العلوم والدكتوراه في الفلسفة، وليها كتب كتيرة جدا...

ومن أشهر عباراتها "إن أفضل وأجمل الأشياء في العالم لا يمكن أن ينظر إليها أو حتى لمسها يجب أن يشعر بها القلب " وهو دا بالظبط اللى حصل إن ربنا بعت آن سوليفان لهيلين واداها قلب يشعر بيها ويكون مليان بكل معاني المحبة ..

واحنا كمان لو دورنا حوالينا هنلاقي ناس فعلا محتاجين مساعدتنا بس احنا اللي مكُناش واخدين بالنا منهم، خلي دي صلاتك النهاردة .. " يا رب افتح عيني علشان أشوف الناس المحتاجة بجد وأساعدها .. أمين.