|
 |
 |
 |
|
رقم المشاركة : ( 1 )
27 - 01 - 2017, 06:29 PM
|
|||||||||||
|
|||||||||||
|
٧ أفكار تخلّي الإسبوع أخف و أنعم.. إتجاه حركتك و بوصلة تفكيرك في أول الإسبوع (زي أول كل حاجة) ليه أثر كبير على إسبوعك بيروح بيك فين! انت خارج من موود أجازة و كده، غالباً مواعيد نومك و طريقة حركتك و أنواع أكلك و معاد قهوتك و حتى منظومة تفكيرك لسّه حيظبطوا نفسهم على رحلتك اللي بتبدأ النهاردة.. إبدأ واحده واحده.. مستعد .. دور .. إطلع؛ ١- صلى لربنا اول ما تصحى ان ربنا يدبر طريقك ٢- اقرا حاجة ايجابية لمدة ١٠ دقايق اول ما تصحى (بلاش أخبار عشان خاطري .. ارجوك) ٣- حرك جسمك ١٠ دقايق (حتى لو ببساطة زي تمارين الصباح بتاعت المدرسة كده) و ارفض التيبس شكلاً و موضوعاً .. (الدنيا دوشة لوحدها مش ناقصة تزييق ؛).. اما جسمك بيتحرك صح ساعتها احساسك و حالتك الذهنية و دماغك بيشتغلوا بطريقة اكثر انسيابية و يريحوك في الغيار فماتحسش بالنقلات ياللا نخرج.. وانت طالع شيل رجلك من عالدبرياچ واحدة واحدة عشان متنطرش و تلبس في حاجة (في جيل اتعلم مانيوال و فاهمني) .. ٤- اسمع حاجة لطيفة في السكة و فكر تسَمَّع نفسك كلام لطيف من جوه دماغك برضه بدل الهري.. مش عيب .. النكد هو اللي عيب ٥- أما توصل شغلك خد بريك قبل ما تبدأ شغل أصلاً .. سلّم فيه عالناس و اتكلم و هزر معاهم ١٠ دقايق. الابحاث بتقول ان ده بيضاعف انتاجيتك و كمان بتحس كويس انت و اللي حواليك (حلوة انتاجيتك دي؟ عشان منزعلش حد) ٦- في وسط يومك.. فكها كده متعقدهاش، اتعامل مع الناس على انهم ناس .. عاوز دماغك اول ما تشوفهم تقول "سلام و مشاعر و تكريم و احترام".. مش "منافسة و تحكم و ارقام".. العلاقات الطيبة من أهم أسباب الصحة النفسية .. متخليش حد يجبرك تبقى مريض! ٧- خد بريك قصير كل شوية، اتحرك في المكان و غير مناظر، اظبط اكلك في مواعيد مناسبة، اشرب لما تعطش، اضحك لما تحب تضحك، اسبوع جديد.. جرب حاجة جديدة مش حتخسر حاجة 
|
| أدوات الموضوع | |
| انواع عرض الموضوع | |
|
العرض الشجري