وسواس

[marit jesus]

كان فيه واحد عنده وسواس رهيب
كان لما يدخل مطعم ياكل او يروح مشوار يقضيه او يدخل فى علا قة يقول يارب اظهر علا مة تخلينى اقرر اكمل ولالا
فى مرة دخل مطعم وقال

يارب لو المطعم دا اكله مش نضيف وهيعملى تسمم وهجرى بسبه على المستشفيات اظهر لى علامة بسررعة
وفعلا الجارسون وهو جايب الطلبات لزبون لقى طفل صغير خبط فيه ووقع المعلقة على الارض

قام صاحبنا قال شكرا يارب على العلامة وخد بعضه ومشى

تانى يوم كان رايح يكشف عند دكتور الاسنان

فقال يارب لو الدكتور دا مش كويس اظهر لى علامة فلقى خناقة حصلت قدامه ما بين واحد من المرضى والتمرجى بسبب انه عيز يدخل الاول

راح قال الحمدلله شكرا يارب على العلامة وخد بعضه ومشى

وف مرة كان رايح يتثقدم لبنت كان فيه ناس مرشحنها ليه صالونات المهم قال يارب لو مش رايد الجوازة دية اظهر لى علامة راح النور قطع فى الاسانسير

صاحبنا فضل متعزب جواه لاعارف يطلع ولا ينزل فبدا يقول يارب حبكت تظهر لى العلامة دى دلوقتى

وفى يوم قرر يشترى شقة نظرا لاحتياجه الشديد ليع\ها
فسمع ان فى عمارة جديدة بتبنى
راح دفع عربون ضخم وقال يارب لو مش رايد اظهر لى علامتك

فات يوم اتنين وتلاتة ومافيش حاجة حصلت راح مضى العقد ودع باقى المبلغ

وبعدها باسبوع عرف انه اتنصب عليه وصاحب العمارة طلع نصاب كبير وبايع الشقق تلات مرات قبل كدا ساعتها علق شماعة تقصيره على ربنا وقاله كدا يارب
خلاصة كلامى مش شرط ان كل موقف سلبى تشوفه يبقى دا صوت ربنا فى اول مرة هو مكنش جعان علشان كدا كان بيتلكك باى حاجة يشوفها
فى تانى مرة كان خايف اووى من خلع الاسنان علشان كدا كام بيتلكك باى حاجة يشوفها

فى تالت مرة هو اصلا ماكنش مقتنع انه يتقدم لواحدة هو مايعرفهاش علشان كدا كام بيتلكك باى حاجة يشوفها

اما فى رابع مرة كان نفسه يشترى شقة فعلا فحس ان مافيش حاجة غريبة حصلت حتى ولو حصل دا فعلا بس هو اللى مدلهوش اهتمام

ربنا اكيد ليه علامات وايده بتظهر فى حاجات كتير فى حياتنا واللى فى عشرة حقيقة مع ربنا هايقدر يميز ويعرف الصح والغلط منين ومش هيتجنى على الظروف ويترجمها لمصلحته الشحصية

مينفعش نعيش بالطريقة دى لان ربنا ادالنا عقل نفكر بيه

نشوف ايه الصح وايه الغلط

ايه هينفعنى وايه هيضرنى
ايه صالح ليا وايه مش صالح
مش معنى انى رايح الامتحان والماية مقطوعة يبقى هحل واحش
مش معنى انى رايح اتقدم والنور اتقطع وانا بكوى لبسى بقى الجوازة هاتبوظ

مش معنى ان عينى ترف وانا رايح رحلة يبقى رحلى الاتوبيس هايتقلب

قرب من ربنا علشان تميز صوته
مايكل سامى