رسالة الى الطفل يسوع الذي سيولد بعد ساعات

[Ramez5]

كتبتُ هذه الرسالة منذ سنوات، إلا أنّ شيئاً لم يتغيّر. هي تصلح لهذه السنة أكثر ممّا كانت تصلح حين كتبتها. وربما تصبح ملائمة أكثر في الآتي من الأعوام. هي صرخة على شكل رسالة لا تحتاج الى صندوق بريد ولا، بالتأكيد، الى بريد الكتروني. من تتوجّه إليه الرسالة عَلِم بمضمونها أثناء كتابتها، بل عند التفكير بها، هو العالم بكلّ شيء والقدير على كلّ شيء، ولهذا لا ننفكّ نطلب منه ونكرّر الطلب عاماً بعد آخر.

إنّها رسالة بالعاميّة الى الطفل الذي سيولد بعد ساعات:
قبل كم ساعة من عيد ميلادك في كلمتين حابب إحكين معك.
قبل كم ساعة من عيد ميلادك، الزينة ملّت الشوارع. أشجار مزيّنة، بكلّ الألوان والأشكال. مغارة كبيرة، مغارة زغيرة. عم بيبيعو مغارة بيت لحم متل ما هيّي، وعاملينك طفل أشقراني وعيونك زرق.

قبل كم ساعة من عيدك في أهل فقرا، متل أهلك، عم بيخبرو أطفالن أخبار عن بابا نويل يللي ما رح يجي هالسنة، "لأنّو عَزَّبتو الماما، وما درستو منيح...". حرام الاولاد. حرام هالاولاد.
إنت بتعرف إنّو عيدك بيعملولو حساب بالدورة الإقتصاديّة؟
بتعرف شو في "بزنس" ماشي من ورا عيد ميلادك؟ وشو في هدايا وبطاقات معايدة بتروح بهالمناسبة، وبأكتر الأوقات بينسى يللي بيبعتوها إنّو المناسبة عيدك إنتَ؟

قبل كم ساعة من عيد ميلادك، بدّي قلّك إنّو فَونَسو عيونّا من زينة عيدك، وانطوشنا من الموسيقى ومن الأغاني يللي بتتكرّر من سنة لسنة.
قبل كم ساعة من عيد ميلادك، بدّي قلّك إنّو صار لازم تجي إنتَ شخصيّاً، بلحم ودم، مش بتماثيل الجفصين والبلاستيك.
لازم تجي لأنّو الزينة الحلوة مخبّاية بشاعة وحقد واستغلال وكذب.
لازم تجي لأن العذاب صار كبير وعم بيعمّ شعوب كتيرة.
لازم تجي... ناطرينك... عجّل... بعد في كم ساعة قبل عيد ميلادك.

بقلم داني حداد

[joulia]

نسألكَ بحقِّ ميلادكَ الطاهر
وبشفاعةِ والدتكَ والقديس يوسف صفيِّكَ
أنْ تمنحنا عفَّةَ النفسِ والجسدِ ونقاوةَ الأعمالِ والأفكارِ معاً،
لكي نخدمكَ بقلبٍ نظيفٍ وجسمٍ عفيفٍ
جميعَ أيَّامِ حياتنا،
آمين.











ليباركك طفل المزود استاذ رامز


وليعوّضك الرب كل خير و بركة

[Mary Naeem]

مشاركة جميلة جدا

ربنا يبارك حياتك

[Ƒ̐ὰ̗đƴ]

جميلة ومعبرة جدااا
ميرسى استاذ رامز

[nasser]

جميلة جداً
ربنا يبارك حياتك يا رامز