بنات صلفحاد

[ماريا تى ثيؤتوكوس]

بعد خروج شعب بنى اسرائيل من ارض مصر
توهانهم فى البريه حوالى 40 سنه وقبل دخولهم ارض الموعد
طلب الله من موسى النبى ان يقوم بتقسيم ارض الموعد على
كل اسباط بنى اسرائيل ال12 وكل سبط على حسب عدد افراده (عدد26)
وارض الموعد كانت حلم كانت حلم طبعا كبير لكل فرد فى شعب الله
كان فى رجل اسمه صلفحاد هو من سبط منسى الابن التانى ليوسف الصديق
وكان عنده 5 بنات ومعندوش صبيان ووقتها البنت مش بتورث الا اذا كانت متجوزه
او عن طريق والدها اذا كان له ميراث
فالبنات عملوا ايه بقى
رفعوا شكواهم لموسى والعازار الكاهن وكل الجماعه قدام خيمة الاجتماع
بكل شجاعه ووقار واتضاع زى ما بيقول الكتاب المقدس
وكان مضمون دفاعهم او شكواهم ازاى والدنا لا يورث وهو مات ميته طبيعيه
وهو لم يغضب الرب فى شئ ومش من جماعة قورح اللى اغضبت ربنا
كان عندهم ثقه فى وعود ربنا كبيره اوى انه يعطيهم نصيبهم فى ارض الميعاد
وعندهم جرأه وشجاعه علشان يطلبوا طلب مخالف عن كل التقاليد والقوانين الموجوده فى هذا الوقت
وبالفعل حصلوا على قانون جديد للميراث
وربنا قال لموسى النبى
بحق تكلمت بنات صلفحاد فتعطيهن ملك نصيب بين اعمامهم وتنقل نصيب ابيهن اليهن (عدد27)
وبالفعل اخدو نصيبهم زى بقيت الشعب وقانون جديد كمان لكل البنات

[Mary Naeem]

مشاركة جميلة جدا

ربنا يبارك حياتك

[بيدو توما]

مشاركة جميلة ورائعة جداً
شكراً جزيلاً أختي العزيزة ماريا للمشاركة الجميلة
تحياتي وأحترامي والرب معك يباركك ويبارك حياتك وأعمالك وخدمتك
المباركة ربنا يفرح قلبك ويفيض عليك بنعمه الغنية وسلامه العظيم ومحبته الدائمة...
والمجد لربنا يسوع المسيح دائماً..وأبداً..آمين

[ماريا تى ثيؤتوكوس]

ميرسى كتير لمروركم الجميل
مارى الغاليه
واستاذى الغالى بيد الرب