|
 |
 |
 |
|
رقم المشاركة : ( 1 )
08 - 01 - 2026, 11:45 AM
|
|||||||||
|
|||||||||
|
زوادة اليوم: الشُكر للربّ أو بشكرك يا ربّي كان فيه راعي بكنيسه سكوتلنديِّة مشهور بصلَواتو الحارَّة اللي كان يقَدِّمها عن المَنبَر، خاصَّةً إنّو كان دايماً يلاقي شي يُشكُر ألله عليه بصلاتو. وبنهار أحد، كان الطقس عاصِف ومُظلِم وعابِس، والراعي راسو عم يوجَعو، والناس عم يتأفِّفو، حتَّى إنّو أحد أعضاء الكنيسة قال لنَفسو : - أنا أكيد إنّو الواعِظ ما رَح يلاقي شي اليوم يُشكُر ألله عليه !! وقدَّيش كانِت دَهشتو عظيمة لمّا بلَّش الواعِظ صلاتو بالقول : - بُشكرَك يا ربّ، يا هالأب السماوي! بُشكرَك كتير لأنّو مش كِلّ الإيّام متل هالنهار. والزوّادة بتقلَّك : شو رأيك اليوم توقَف لحظة، حتَّى بأصعب الإيّام، وتعِدّ كَم شغلِة مِن الإشيا اللي لازِم تُشكُر ألله عليها ؟؟ ورح تشوف إنّو إذا أخَدت وقتَك حتَّى تفَكِّر، بيكون عندَك بكِلّ دقيقة سَبَب تُشكُر ألله عليه. والله معك. 
|
|
08 - 01 - 2026, 01:57 PM
|
رقم المشاركة : ( 2 ) | ||||
|
† Admin Woman †
|
رد: زوادة اليوم: الشُكر للربّ أو بشكرك يا ربّي : 8 / 1 / 2026 /
شكرا على الزوادة ربنا يفرح قلبك |
||||
|
|
 |
|
العرض العادي
