روحله بمشكلتك وسيب الحل عليه

[walaa farouk]

في (مت14: 14-15) بنقرا إن السيد المسيح
كان متجمع حواليه ناس كتير..
ولما اليوم ابتدى يخلص التلاميذ قالوله الكلمات دي..
«الْمَوْضِعُ خَلاَءٌ وَالْوَقْتُ قَدْ مَضَى. اِصْرِفِ الْجُمُوعَ
لِكَيْ يَمْضُوا إِلَى الْقُرَى وَيَبْتَاعُوا لَهُمْ طَعَامًا»..
التلاميذ شعروا إن في مشكلة ومحتاجة لحل،
وأروع حاجة عملوها إنهم راحوا للمسيح بمشكلتهم..
لكن الغلطة اللي وقعوا فيها إنهم اقترحوا على المسيح
حل للمشكلة.. ودي غلطة أغلبنا بيقع فيها،
إننا نيجي لربنا بمشاكلنا ونقدم له حلول للمشكلة..
وكأن ربنا مستنينا نعرض عليه الحل وهو ينفذه،
لكن الحقيقة إن الله عنده بدل الحل حلول كتيرة..
يقول عنه داود النبي الكلمات دي..
"اَللهُ لَنَا إِلهُ خَلاَصٍ، وَعِنْدَ الرَّبِّ السَّيِّدِ لِلْمَوْتِ مَخَارِجُ." (مز 68: 20)
والرسول بولس بيقول لنا إن أمور الله أعلى من كل توقعاتنا..
"وَالْقَادِرُ أَنْ يَفْعَلَ فَوْقَ كُلِّ شَيْءٍ،
أَكْثَرَ جِدًّا مِمَّا نَطْلُبُ أَوْ نَفْتَكِرُ،" (أف 3: 20)..
وفي الموقف ده المسيح عمل معجزة متخطرش على بال حد..
وقدر إنه يقدم أكل لناس كتير جداً من أكل بسيط جداً..
ثق إن إلهك قادر على عمل المستحيل،
حتى لو الظروف والواقع بيقول عكس كده..
الله ليه الكلمة الأولى والأخيرة لأن ليه كل السلطان،
روح لربنا بمشكلتك، بس سيب الحل عليه 😍👌