زوّادة اليوم : من يصبر للنهاية يخلص :2 / 4 / 2020 /

[souad jaalouk]

زوّادة اليوم : من يصبر للنهاية يخلص

في خبريّة مشهورة عن مار شربل بتقول انّو كان مار شربل موجوع كتير من معدتو قلّو الأب مكاريوس اللي كان رفيقو اذا بيغليلو شويّة اعشاب، بالأوّل قال ما بدّو، بعدين قبل عا شرط يشربن بدون سكّر!
تعجّب الأب مكاريوس وقلّو انّن كتير مرّين ما فيك تتقبّلن، جاوبو القدّيس شربل ما بيجوز انّو اتلذّذ بالحلويات و سيّدي يسوع شرب الخلّ على الصليب بأشدّ عطشو و أوجاعو!
الزوّادة اليوم بتذكّرنا قدّيش في ناس بالفعل مش بمعنى الحكي مش قادرة تاكل، قدّيش في ناس عم تاكل خبز ناشف و تشرب شاي من دون سكّر ، قدّيش في ولاد عم ينامو بلا اكل عا امل بكرا يكون غير...
اوجاع هالناس كلّن مع يسوع عالصليب و بس يقوم رح يقومو معو! مار شربل ضحّى كتير عالأرض و صار قدّيس! يا ريت هالكلمات بيعطو لو شويّة امل ببكرا احلى، من يصبر للنهاية يخلص! الله معكن

[walaa farouk]

ميرسي علي زوادة اليوم
ربنا يفرح قلبك

[Mary Naeem]

آمين يا رب