|
 |
 |
 |
|
رقم المشاركة : ( 1 )
01 - 09 - 2019, 04:11 PM
|
|||||||||||
|
|||||||||||
 علي رأي المثل المبدع "ما تبوظش الطبخة علي شوية ملح" .. من أمثلة كده علاقة تتفشكل علي شوية فلوس تافهة، و نقف قدام بعض ، و انت قلت و انت قلت ، و اتفقنا ، و ماينفعش كده ، و الكلام يزيد و التراشق بالألفاظ، و بعدين العلاقة تتقطع.. شوية "ملح" اقصد كام جنيه يحلوا المشكلة ، و تبقي اشتريت راحتك و راحة الناس بذكاء.. و بعدين يا سيدي أسوأ الفروض ما تبقاش تتعامل تاني معاه ماديا، او خللي اتفاقاتك لو ضرورية بطريقة تانية.. مشكلة مع ناس و خلافات و كلام رايح و مش راجع، و تفاصيل و معارك.. و شوية "ملح " يحلوا الموضوع، كلمتين تواضع علي حقك علي علي زعلك غالي علي ما اقدرش ازعلك، مع ضحكتين حلوين من القلب الموضوع يخلص .. و شوية ملح اقصد "حب علي تواضع علي حكمة" يخلصوا الموضوع .. و بعد كده ابقي خد بالك معاه، و خد حذرك في الكلام و المعاملة .. موضوع مطلوب فبه رأيك، و الصراحة جارحة، و يا ما بسببها خسرت ناس و كسبت معارك .. حط علي رأيك شوية "ملح " من الحكمة و الكياسة و الأدب و الإيجابية، و قول رأيك بين كلمتين تقدير، تكسب الناس و يحبوك و يسمعوك.. افتكر الآية الخالدة : "ليكن كلامكم كل حين بنعمة، مصلحا بملح، لتعلموا كيف يجب أن تجاوبوا كل واحد" (كولوسي ٤ : ٦) 
|
 |
|
| قد تكون مهتم بالمواضيع التالية ايضاً |
| الموضوع |
| راعوث تلتقي ببوعز |
| سبق فالتقت راعوث ببوعز في الحقل |
| (راعوث 2 :4) و إذا ببوعز قد جاء من بيت لحم و قال للحصادين |
| ببوعز الذي قيل عنه إنه «جَبَّارُ بَأْسٍ» |
| ما تنخورش علشان ما تبوظش |
العرض العادي
