زوادة اليوم: يلي بيزرع الصعوبة بالراس هوّي بيشيلا

[souad jaalouk]

زوادة اليوم: يلي بيزرع الصعوبة بالراس هوّي بيشيلا


بيخبرو عن إستاذ لغة عربية كانو تلاميذو على طول يتذمّرو من مادة اللغة العربية ومن صعوبة القواعد والنثر والشعر، لَبيوم من الإيام قرّر يعملُّن إختبار، جاب قنينة من لقزاز بقلبا في ثمرة نجاص كبيرة وسألُن مين قادر يطلّع النجاصة من القنينة بلا ما يكسُر القنينة؟ ما حدا من التلاميذ كان عندو جواب.


بعد طرح كل الإجابات وكان الإستاذ يقلُّن إنو إجاباتُن غلط، بيرفع تلميذ إيدو وبيقلّو: «يلّي حطّ النجاصة هوّي الوحيد يلّي بيقدر يشيلا. الإستاذ بيزقّف للتلميذ وبيعلّق وبيقول: «إنتو ذات الشي، متل ما حاطين براسكُن فكرة انو مادة اللغة العربية صعبة لازم تشيلو هالفكرة من راسكُن».


الزوّادة بتقلّي وبتقلّك «نحنا يلّي حاطين براسنا فكرة إنو القداسة أمر صعب، لازم نشيل هالفكرة من روسنا ونمشي على درب القداسة لأنو الدرب بتبلّش بخطوة والرب بيكمل المسيرة معنا».

[Mary Naeem]

رووووووووووعة حببتي
ربنا يفرح قلبك

[walaa farouk]

مشاركة جميلة جدااااا
ربنا يفرح قلبك

[souad jaalouk]

لكما جزيل الشكر على المرور الغالي الرب يسوع يبارككما

[Ramez5]

فعلاً الرب بيكمل المسيرة معنا ..
ميرسى لمشاركتك المثمرة

[Haia]

بالفعل من يزرع الخوف فى داخله هو يستطيع ان يتخلص منه