* لما تكون طول الوقت مهتم بشخص وبتعمل كل حاجة علشان ترضيه بس في النهاية حاسس انك وحدك وانك مش فارق معاه ..
* لما تقع في مشكلة وتلاقي كل الناس بتسأل الا الشخص اللى كنت فاكره هيكون اول واحد جنبك ..
*لما تكون ناوى ترتبط بحد وكل لما تكلمه تلاقيه بيتكلم عن نفسه ومش بيفكر انت عامل ايه ؟
* لما المظاهر في العلاقة تسبق الجوهر و المحبة ..
* لما تلاقي ان الشخص ده متطلباته كتير بغض النظر عن انك معاك قد ايه المهم هو ياخد وبس ..
* لما تحس انك مش عارف تطلعله كل اسرارك وانت مرتاح وانك مش على طبيعتك ..
* لما بتبقي انت بتدى طول الوقت لغاية لما بتخلص طاقتك ..
يبقي انت موجود جوه علاقة من اولها لآخرها غلط
علاقة بتتعبك وبتهدك بس علشان في الاول فانت لسه في مرحلة الانبهار وفاكر انه ده الطبيعي علشان تكسب اللي بتحبه وتحتويه ..
للأسف ...
انت لا هتكسبه ولا اى حاجة هو هيفضل زى مانت عرفته وهيتعود ياخد اكتر وانت هتفضل تدى و تدى وتدي وسقف توقعاتك كله هينهار ،،،
الحاجة الصح مش بيبقي عليها جدل من البداية ،،
عمرك ماهتسأل نفسك هو انا صح ولا غلط ؟
العلاقة المريحة بتبان من اولها ..
لما اتنين يحبوا بعض مش هيبقي في انا وانت هيبقي في احنا ..
سواء في الاهتمام او في العطاء او في كل حاجة ..
مش هتعرف تفرق مين بيدى ومين بياخد ...
و عمرك ماهتسأل انا ليه قدمت كتير ؟!
بس هتسأل نفسك انا ليه مقدمتش اكتر
