|
 |
 |
 |
|
رقم المشاركة : ( 1 )
29 - 10 - 2016, 12:46 AM
|
|||||||||||
|
|||||||||||
|
كام مرة حد فينا اشترى بطيخة و كانت لونها احمر اووى و لما راح البيت اكلها لقاها ماسخة جداا؟؟؟ كام مرة اشتريت رمان و لقيته من جوة لونة باهت وملهوش علاقة بلون الرمان الحلو؟؟ اكيد كلنا حصل معانا نفس الموقف ده... انا حصل معايا موقف الرمان ده النهاردة لكن نقطة ومن اول السطر.... هو اللون = الطعم؟؟؟ لا طبعاااا لما قشرت الرمانة النهاردة و لقيت لونها من جوة مطفى و باهت..مديت ايدى و اكلت منها و لقيتها مسكرة جدااا على الرغم انها حبات الرمان مش حمرا اصلا و ياااما اكلت بطيخ لونه فاتح اوى لكن كان مسكر اوى عن بطيخة لونا احمر قاتم لكن طعمها ماسخ!! اللون يا جماعة... اللون يا شباب.... اللون يا بنات....يا اهااالى يا اباء و امهات هنا اللون لا علاقة له بالطعم...و الدليل الفاكهة الى بنجيبها مش بالضرورة تكون حلوة علشان معروف ان اللون الكذا فى الفاكهة المعينة معناة انها حلوة... فى علاقات الارتباط.. ارجوكم متربطوش الحالة المادية او السن تحديدا بجودة العريس او العروسة الى هتتقدملها او الى هيتقدملك.. طيب تعالو نشوف مثال بسيط اوى .. فيه واحدة ست معمرة يابانية عندها 100 سنة اسمها نيكو ناجاوكا.. فازت فى سباق سباحة 1500 متر حر!! يااااسلام بجد؟؟؟ اه بجد .. انسى السن ده خالص ..ده مجرد رقم طيب يا عم هانى انت بتتكلم عن الستات ؟ تلاقيها واحدة فاضية عايشة حياتها براحتها فى هدوء ولا شدة اعصاب.. طيب تعالى اديلك مثل لواحد راجل توم كروز .. عندة 54 سنة ولسة منزل فيلم بقالو كام يوم اسمة (جاك ريتشر) وبيجرى وبيتنطط و اكشن مفيش بعد كدة!! 54 سنة هاااا جاكى شان ( 62 سنة ) حضرتلة فيلم من اقل من شهر اسمة skiptrace وعامل فيه اكشن محصلش وتنطيط وشقاوة و جري وهو عندة 62 سنة قيس على كدة افكارنا كاولاد لما بنتقدم لبنت او حد يرشحلك بنت او حضرتك بتدور على بنت لازم لازم تكون فى العشرينات !! الناس دى لو وجهه نظرها ان بنات العشرينات اكثر جمالا او خصوبة ( بمعنى الانجاب ) اكثر من بنات التلاتينات يبقى انت عندك مشكلة كبيرة اوووى اللون هنا ملهوش علاقة بالطعم يا احبائى..خالص و بدون ما ادوس على جروح حد فا اكيد شوفنا بنات فى اتجوزوا فى العشرينات من عمرهم و ربنا لم يسمح لهم بالانجاب فى حين بنات فى التلاتينات او يمكن اوائل الاربعينات خلفت بعد اول سنة جواز!! فا لو انت بتفكر ان بنت العشرين هتجيبلك البيبى وبنت التلاتين فرصتها اقل يبقى انتى عندك كارثة فى افكارك ... نفس الموضوع للبنات... لو انتى مفكرة ان ولد كسر ال 35 سنة فا خلاص بقى مخلفات حرب فا انتى فى مشكلة.. بجد.. وعايز اقولكم حاجة يا بنات.. خدوا بالكم من ولاد مصر.. الولاد دى شالت هم تقيل اووى و لسه شايلينو.. دولتنا لم تنصفهم لا فى عادات وتقاليد وسعر شبكة ولا فى اسعار شقق او فرش او حتى مرتبات حلوة..شباب بلدنا تعظيم سلام يا شباب..انه فى المطحنة دى وقادر يحوش ويتجوز و يدخل جو النار و يخلف و يربي فى المناخ الصعب بتاع مصر... متطلبوش منهم اكتر من كدة لان فعلا مفيش عندهم اكتر من الى بيقدموة اللون و الطعم ملهمش علاقة ببعض... الفكرة الوحيدة انك تمد ايدك الاول و تدوق حبات الرمان الى انت شفتها بهتانة و حكمت عليها انها اكيد ماسخة...خد فرصة و مد ايدك و كل و شوف يمكن تطلع حلوة ...بدل ما ترميها و تضيع عليك فرصة..جرب كل منها حتة و شوف.. وانتى كمان وانت كمان متقفلش مخك على بنت سنها كسر 30 ولا ولد كسر ال تلاتينات لمجرد انه كسر رقم بالنسبالك صعب...خد فرصة و متقارنش اللون بالطعم 
|
|
29 - 10 - 2016, 05:44 AM
|
رقم المشاركة : ( 2 ) | ||||
|
..::| الاشراف العام |::..
|
رد: اللون الاحمر!!!
ميرسى ربنا يبارك تعب محبتك
|
||||
|
|
|
29 - 10 - 2016, 08:42 AM
|
رقم المشاركة : ( 3 ) | ||||
|
† Admin Woman †
|
رد: اللون الاحمر!!!
ربنا يبارك حياتك |
||||
|
|
|
29 - 10 - 2016, 07:18 PM
|
رقم المشاركة : ( 4 ) | ||||
|
..::| الإدارة العامة |::..
|
رد: اللون الاحمر!!!
رينا
مارى ميرسي على مروركم الغالى |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| اللون الاحمر فى الكتاب المقدس |
| اللون الاحمر فى غرف نوم الاطفال |
| اللون الاحمر |
| اللون الاحمر قمة الرومنسية |
| لمحبي اللون الاحمر |
العرض العادي
