الله بيدينا مبادئ أساسية في العطاء

[walaa farouk]

في إنجيل لوقا 6: 30، 35-36 المسيح بيقول
"وَكُلُّ مَنْ سَأَلَكَ فَأَعْطِهِ وَمَنْ أَخَذَ الَّذِي لَكَ فَلاَ تُطَالِبْهُ
". "بَلْ أَحِبُّوا أَعْدَاءَكُمْ وَأَحْسِنُوا وَأَقْرِضُوا
وَأَنْتُمْ لاَ تَرْجُونَ شَيْئاً فَيَكُونَ أَجْرُكُمْ عَظِيماً
وَتَكُونُوا بَنِي الْعَلِيِّ فَإِنَّهُ مُنْعِمٌ عَلَى غَيْرِ الشَّاكِرِينَ وَالأَشْرَارِ.
فَكُونُوا رُحَمَاءَ كَمَا أَنَّ أَبَاكُمْ أَيْضاً رَحِيمٌ.".

الآيات دي وغيرها في الكتاب بتعلمنا إننا المفروض
يكون جوانا محبة ورحمة وإنكار ذات
فلما نشوف إحتياجات الناس حوالينا
لازم قلبي يمتلئ بالرأفة زي ما ابي السماوي
بيتراءف علي كل الناس "
الرَّبُّ صَالِحٌ لِلْكُلِّ وَمَرَاحِمُهُ عَلَى كُلِّ أَعْمَالِهِ.".

فالكتاب بيعلمنا أن يكون عندنا قلب معطاء بدون توقف
وده بيفرح قلب الرب جدا ولكن..

الكتاب برضو بيعلمنا إننا من ناحية العطاء
والتضحية لازم يكون عندنا تمييز وحكمة (متى 10: 16)،
والله بيدينا مبادئ أساسية في العطاء،
مش معني إني أجي علي نفسي إني أُستنزف
ويتم إستغلالي، في رسالة تسالونيكي الثانية 3: 10
بتقول : "إِنْ كَانَ أَحَدٌ لاَ يُرِيدُ أَنْ يَشْتَغِلَ فَلاَ يَأْكُلْ.".

فيه ناس في حياتنا عايزين يعيشوا حياة خالية من المسؤولية،
عشان كدة لازم يكون فيه "حدود" في التعامل،
نساعد اللي عنده إحتياج ولكن لو لقينا إن ده بيتحول
لنمط مستمر فغلط جدا جداا إننا نستمر في تشجيع أسلوب الحياة ده،
كمان هكون بأذي غيري اللي بساعده علي خموله
وكسله وإعتماديته اللي هتزيد بنسبة كبيرة.

فيه مقولة بتقول "أعط الشخص سمكة فيأكل ليومه،
ولكن علمه الصيد فيأكل لحياته."،
فطالما بنشوف الشخص المحتاج بيحاول يبذل مجهود،
هنا العطاء فعلا بيكون ليه قيمة حقيقية
ومعني ونحاول نساند الشخص بأي طريقة يرشدنا بيها الله.