|
 |
 |
 |
|
رقم المشاركة : ( 1 )
24 - 03 - 2023, 06:07 PM
|
|||||||||||
|
|||||||||||
  الباعة في الهيكل يمكن كتير يستغرب ليه اخترت الباعة من كل شخصيات أحد الشعانين زي ما اتعودنا اننا هننظر للشخصيات بمنظور مختلف أولا المسيح له المجد طرد الباعة 3 مرات أول مرة في بداية خدمته وده اتذكر في انجيل معلمنا يوحنا الأصحاح الثاني ثاني مرة هي يوم أحد الشعانين وده اتذكر في انجيل معلمنا متى الأصحاح 21 ثالث مرة هي صباح يوم الإثنين وده اتذكر في انجيل معلمنا مرقس الأصحاح 11 في أول مرة قال عن الهيكل 16وَقَالَ لِبَاعَةِ الْحَمَامِ: «ارْفَعُوا هَذِهِ مِنْ هَهُنَا! لاَ تَجْعَلُوا بَيْتَ أَبِي بَيْتَ تِجَارَةٍ!». والمرة التانية قال عن الهيكل 13وَقَالَ لَهُمْ: «مَكْتُوبٌ: بَيْتِي بَيْتَ الصَّلاَةِ يُدْعَى. وَأَنْتُمْ جَعَلْتُمُوهُ مَغَارَةَ لُصُوصٍ!» والمرة التالتة قال «أَلَيْسَ مَكْتُوباً: بَيْتِي بَيْتَ صَلاَةٍ يُدْعَى لِجَمِيعِ الأُمَمِ؟ وَأَنْتُمْ جَعَلْتُمُوهُ مَغَارَةَ لُصُوصٍ». تعالوا نتأمل في شخصية الباعة ونشوف نتعلم ايه؟ 1- الباعة ولقمة العيش المرة يمكن نلاقي ناس تنتقد الرب يسوع له المجد دول ناس غلابة ويسترزقوا وده أكل عيشهم لكن تعالوا نتعرف اكتر على البضاعة المباعة حمام - صيارفة - غنم وبقر - خبز كل البضاعة ملك لرؤساء الكهنة والحمام للبيع من أجل التقدمات الصيارفة هو اوامر رؤساء الكهنة ان أي عملة غير العملات الموجودة في الهيكل تعتبر ممنوعة وكانوا يشتروا الدرهم أو الدينار بضعف التمن والغنم والبقر للذبائح والخبز والفطير للتقدمات اذن هي لقمة عيش لكنه في الحقيقة مسخرين لخدمة رؤساء الكهنة 2- الباعة والإصرار على الخطأ من الطبيعي لما تشوف خطأ وتتحذر من فعله وتفعله مش مرة ولا اتنين يبقى ده اسمه اصرار على الخطأ لما انت مش مستفاد شيء أو على الأقل تستفاد أقل بكتير مما يكون لو كان ده ملكك بالضبط زي مثلا واحد في ظل الظروف اللي بيمر بيها العالم وقرر يفتح قهوة وشيشة ويقول ده أكل عيشي سهل تعمل أكل عيش بطريقة أمنة لكن الاصرار على الخطا صعب 3- الباعة والعقاب الأخير اول مرة بيحذرهم ان ده بيت أبي تاني مرة بيقولهم دي بيتي تالت مرة رفضهم وبعد كده قال هوذا بيتكم يترك لكم خرابا لانهم عملوه اولا بيت تجارة - بعد كده مغارة لصوص تعالوا نطبق اللي اتعلمناه 1-لا تتحجج بلقمة العيش وتبعد عن ربنا لأن محبة المال أصل لكل الشرور ان ابتغاه قوم ضلوا عن الإيمان وطعنوا أنفسهم بأوجاع كثيرة ده مش معناه اننا نسيب اشغالنا ونتفرغ للخدمة ولكن اعطي ما لقيصر لقيصر وما لله لله 2- لا تصر على الخطأ ان تنبهت مرة احذر ان ربنا مش بيحذر كتير لا تخطئ لئلا يكون لك أشر 3- لا تعاند في عمل الشر بحجة المشاغل لأن ممكن مرض بسيط تنام سنين اعطي ربنا وقته القليل اللي طلبه منك بمزاجك بدل ما ياخد وقتك كله غصب عنك 
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| شخصيات كتابية نتعلم منها ( ادم ) |
| شخصيات كتابية نتعلم منها ( نخو ملك مصر ) |
| شخصيات كتابية نتعلم منها (سام ابن نوح) |
| شخصيات كتابية نتعلم منها (سام ابن نوح ) |
| شخصيات كتابية نتعلم منها (شمشون) |
العرض العادي
