شخصيات كتابية نتعلم منها (طابيثا )

[walaa farouk]

طابيثا 🤔
تعالو نعرف ونتعلم .
ورد اسم طابيثا في سفر أعمال الرسل الأصحاح التاسع
ولو فضلت اتكلم عليها كتير مش هخلص لان فيها فضائل كتير جدا
هنتعلم منها البعض
1- طابيثا التلميذة
اول لقب لقبها بيه الكتاب انها تلميذة
يمكن تكون لم تعاصر الرب يسوع او تكون تلميذة
لكن هي حققت بفضائلها انها تستحق انها تكون تلميذة
اولا لانها انكرت نفسها
ثانيا: انها حملت صليبها بتعب
بشرت بشارة عملية
شافوا المسيح في عملها
2- طابيثا الممتلئة من الأعمال الصالحة
الحقيقة ان اللقب ده نتمناه كلنا
مملتئة من الأعمال الصالحة
والحقيقة لو بحثنا عن كل ما تملك طابيثا
إبرة وخيط
بالابرة والخيط امتلئت اعمال صالحة
والحقيقة ايه هو مدى الارهاق بالابرة والخيط انها تخيط طول الليل وتخدم طول النهار
3- طابيثا الخادمة
كان كل عملها مش موجه لكبار الناس والأغنياء علشان تكسب عملها ورزقها
لكن كل عملها للأرامل والأيتام والفقراء
وتخيلت المشهد لما بعتوا لبطرس الرسول من لدة علشان يجي لطابيثا
"فوقفت لديه جميع الأرامل يبكين ويرين أقمصة وثيابا مما كانت تعمل غزالة وهي معهن"
طابيثا ماتت لكن أعمالها لم تمت
محبة الفقراء كنز لا يموت ولا يفني
تعالوا نطبق اللي اتعلمناه
1- لا يشترط ان تكون خادم ولا واعظ أو عندك موهبة علشان تكون تلميذ
يكفي انك تحتمل صليبك بشكر حتى لو كان تعب في البيت او الشغل
2- على قدر طاقتك اعمل اعمال صالحة لأنها هي اللي هتتبعك ولا تستهين بعمل الخير
طابيثا بإبرة وخيط دخلت السماء
3- اخدم الفقراء لأنهم أولى بالخدمة وهم الوحيدين اللي بيحملوا جواز سفرك للسماء
اغتنم الفرصة وخليك تحت رجليهم لأنك انت المحتاج لهم مش العكس