|
 |
 |
 |
|
رقم المشاركة : ( 1 )
04 - 09 - 2016, 10:23 AM
|
|||||||||||
|
|||||||||||
|
شوفوا احنا طبعا عندنا قشطه فلاحي نشتريها نقشطها من على اللبن ماليش دعوه
الجاموسي ينفع والبقري ينفع الاثنين حلوين والاثنين طعمين بس البقري بيكون لونها اصفرررر فاقع لونها تسر الناظرين والجاموسي بيبقى لونها ابيض عاجي كده وممكن نعمل خليط منهم برضه هايمشي بس الجاموسي الصافي سعرها اعلى جدا فى السوق والى انا مستعملاه هنا الجاموسي احنا طبعا بالنسبه ليكى وليا بنبقى محوشين القشطه فى الفريزر فلازم نطلعها تفك خاااااالص وكمان ما تبقاش بارده اوي تكون درجة حرارة الغرفه كده لان لو بدأنا شغل فيها وهى بارده اوي مش هاتتحول لزبده بتاتا وايدينا هاتتكسر ضرب ولا حياة لمن تنادي هانحط القشطه فى حاجه واسعه ونزودها شويه ملح صغيرين قولي مثلاااا لو انتى محوشه حوالي 3 كيلو قشطه حطلهم كبدايه كده معلقه كبيره ملح رشيها عليهم وبعد كده تنزلي ضرب فى القشطه لما تموتيها ( دي اسمها مرحلة خض القشطه لتحويلها الى زبده ) ونفضل نضرب فيها ونبقى نريح المضرب فى النص عشان ما يتحرقش والمهم هانفضل نضرب لحد لما نلاقيها عملت تكتلات وفصلت الزبده عن المايه زي الصوره دي بالظبط  المهم بعد كده نضربها برضه شويه كده بادينها بقى ونحاول نجمع بادينا التكتلات بتاعتها على بعضها وبعدين نعمل منها كور ونعجنها كده بادينا لحد ما تتخلص من الميه الى فيها والكور الى هاتتطلع دي هى الزببببببببببده ايوه صفايح الزبده بس لسه ما ساحتش وبيكون شكلها كده  الميه الى هاتطع ما ترميهاش خساره دي بتبقى كلها لبن وفرافيت زبده . ممكن تعملي منها بشاميل او تزوديها لبن وتعمليها منها طاجن معمر زي الفل ) بعد ما نخلص الخطوه الرخمه المتعبه دي نرفعها بقى على النار انا بافضل تعمليها فى تيفال لانها احيانا بتلزق وتبقى رخمه اوي المهم هاتحطي الكميه الى هى نقول 3 كيلو ونزودها ملح بقى عشان المرته تطلع نحط قولي معلقتين ملح كبيره ونرفعه على النار ولما تسيح نهدي عليها النار اوووووي ونقلبها كل ربع ساعه كده عشان نشوف المرته ما تتحرقش والسمنه كمان بتاخد على النار من ساعه لساعتين حسب الكميه وجوودة الزبده وحاجات كتير (ملحوظه مهمه لو هاتعملي كميه كبيره من السمنه وناويه تخزنيها مثلا يبقى الزبده الى تطلع دي اعمليه كور ورشي عليها ملح وسبيها في مصفى لحدتاني يوم هاتلاقيها نزلت مايه كتير وبعد كده تحطيها على النار بقى )  ولما تبدا المرته ترسى فى الحله كده ويبقى شكلها سمنه يعنى السمنه تفصل عن المرته وطبعا كان فى مايه فى الزبده اتبخرت وبيبقى شكلها كده الريم الابيض الى على الوش ده ده بقى تشلوه كده بالراحه بالمعقله وتسبوه فى طبق كده وده انا باسميه المورته البيضاء وطعمها رااائع  هانسيبها على النار لحد لما المورته بتاعتها تبقى لونها بني فاتح خااااالص زي كده  وبعدين نطفي عليها ونسيبها تستهدى شويه وبعدين نصفيها بمصفى سلك وتطلع فى المصفى المورته الي فوق دي باحبها وبعدين نعبي السمنه فى برطمانات وتفضل البرطمانات الازاز خصوصا لو هاتخزنيها فتره كبيره ولو هاتخزنيها كتير اوي زودي الملح الى بتحطيه ساعة ما تيجى تسيحيها على النار وحطي فيها حبوب فلفل اسود مش مطحونه وانتى بتعبيها ويا حبذا لو كنا فى الصيف اوي حطيها فى التلاجة وده شكلها بالظبط اول ما اتعبت  
|
|
04 - 09 - 2016, 01:05 PM
|
رقم المشاركة : ( 2 ) | ||||
|
† Admin Woman †
|
رد: طريقة عمل السمنة البلدي في البيت بالخطوات :
مشاركة جميلة جدا ربنا يبارك حياتك |
||||
|
|
|
04 - 09 - 2016, 08:05 PM
|
رقم المشاركة : ( 3 ) | ||||
|
..::| الاشراف العام |::..
|
رد: طريقة عمل السمنة البلدي في البيت بالخطوات :
ميرسى لمرورك الغالى
 |
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| طريقة تخزين الخوخ بالخطوات |
| بالخطوات.. طريقة حذف سجل البحث من «سيرش» فيس بوك |
| بالخطوات طريقة عمل شنطة للجيم |
| طريقة عمل السجق البلدى |
| طريقه عمل الباديكير فى البيت بالخطوات والصور |
العرض العادي
