شخصيات كتابية نتعلم منها (باروخ بن نيريا)

[walaa farouk]

*(هذه الشخصية موجودة فى سفر ارميا اصحاح ٣٢ و ٣٦ ياريت اللى يحب يرجع للسفر للاستزادة)*
باروخ لم يكن مشهور لكنه كان مساعد لإرميا النبي
اخوه سرايا كان مساعد للملك صدقيا
لما تأملت في باروخ وجدت فيه صفات رائعة لازم نتعلمها منه ونلقى الضوء عليها
1- باروخ المتواضع
تخيلوا يا أحبائي لما شخص يتبع نبي ومفهوم النبي في العهد القديم معناها التعب الدائم
لأن النبي غالبا ما يكون ضد الملك يعني ضيقات ومضايقات من كل اتجاه
كان ممكن يعيش زي اخوه سرايا في قصور الملوك ويصبح مشير للملك
لكن اختار الخدمة
2- باروخ الشجاع الأمين
كان إرميا في أغلب الأوقات في السجن فكان باروخ هو يكتب وهو يوصل الرسالة للملك أو للشعب
كان أمين في توصيل الرسالة للجميع
كان ممكن يقول وانا مالي ايه اللي يخلي الناس تكرهني
وحصل إن إرميا أملاه رسالة يقراها في الهيكل للشعب
وكتبها وراح علشان يقراها ومنعوه من دخول الهيكل فقال له ارميا اقراها للشعب
وقراها قدام الملك لدرجة ان الملك اخد الدرج ( المكتوب فيه) واحرقه
ولما رجع لإرميا في السجن قاله اكتبه تاني واقراه تاني
تخيلوا يا أحبائي الكتابة في العهد القديم كان صعوبتها ازاي
لكن بأمانته كتب الرسالة تاني وقراها للشعب
3- باروخ وتعويضات الله
لو رجعنا لأول سؤال تسألناه ليه مفكرش انه يكون زي اخوه مع الملك
هنلاقي ان كل الضيقات اللي مر بيها باروخ مع إرميا ومجيئه لمصر
وهروبه من نبوخذ نصر حتى أن الخطر لما يتركه في مصر بل وصل ليه لمصر
لكن تعويضات الله ان يحفظ باروخ سالما وبعد نياحة إرميا النبي يكون باروخ نبيا للرب
واخوه سرايا يؤخذ مع صدقيا الملك إلى بابل أسير حرب
تعالوا نطبق اللي اتعملناه
1- كن خدوم للكل مهما كانت مكانتك لأنك اتضاعك هو سر عظمتك
2- كن أمينا في خدمتك للكل ولا تتذمر من عدد ساعات العمل
لأن الله يبارك كل قطرة عرق وتعب من أجل الخدمة
3- ثق ان الله يعوضك عن كل لحظة تعب ويمسح كل دمعة من عينك
فقط انتظر الوقت المعين من الله ولا تستعجل

[جوزيف جوزيف]

ربي يباركك ويبارك خدمتك

[walaa farouk]

ميرسى على مرورك الغالى