|
 |
 |
 |
|
|
|
رقم المشاركة : ( 1 )
11 - 11 - 2020, 05:35 PM
|
|||||||||||
|
|||||||||||
|
ايقونه العجائب | العذراء العزباوية  المكان الايقونه موجوده ف كنيسة العدراء العزباوية مقر دير السريان موجوده في محطه الشهداء بعد شارع كلوت بيك جنب الازبكيه القديمة وصول الأيقونة بعد ما بنوا كنيسه العزباوية واختاروها كمقر للدير في واحد من روساء الدير ف الوقت ده وجاب معاه ايقونه العجائب من الدير وحطها ف مقصورة وحط قدامها قنديل وابتدي الناس يعرفوها ويجوا ليها عشان ياخدوا بركتها من كل مكان وكانت بتعمل معجزات كتيره جدا وعجائبيه فعلا معلومات عن الصورة ايقونة العزباوية واحدة من 3 ايقونات رسمها لوقا الرسول تظهر فيها ماما العذراء شايله بابا يسوع ع رجلها وتحت رجله يوحنا المعمدان وده تفسير للايه بتاعت ها أنذا أرسل قدام وجهك ملاكي الذي يهيئ طريقك قدامك " (مر 1: 2) ووراه حمل صغير رمز لان ربنا يسوع المسيح هو الحمل الحقيقي حكايه ف العزباويه كانت العدراء مباركه المكان اللي فيه الكنيسه أثناء زيارتها لمصر ووهما معدين استريحوا عند راجل فلاح فسقاهم وحكتله ماما العذراء عن قصتهم وقالتله ابني يسوع يصنع معاك معجزة انك اول ماتزرع البطيخ هيطلع تاني يوم رغم انه ف العادي بياخد حوالي 3 شهور ف الراجل امن وصدق وقالتله ماما العدراء الرومان بيجروا ورانا احنا هنمشي وهما هيجوا يسالوا علينا اول مايسالوك انت شوفتنا امتي رد عليهم قولهم من ساعه ما كنت برمي بذور البطيخ وفعلا حصل كل ده تاني يوم صحي لقي البطيخ كبر وملئ الحقل بتاعه وجه الرومان وعمل زي ما ماما العذراء قالتله بالظبط معجزاتها المشهورة والرائعة كان ف ايام الانبا فيلوثاؤس رئيس الدير اللي قبل الأنبا ثاوفيلوس وكان وقت الزياره جات عيله ام وزوجها وأولادها ولما فضلوا قاعدين ف المزار فتره طويله والام عماله تبكي ف جه وقت انتهاء الزياره وقفل الكنيسه ف طلب الرهبان المسئولين من العيله ديه انهم يروحوا ف رفضوا وقالت الام انا مش همشي غير لما العدراء تشفيني كانت مصابه بسرطان ف الثدي وكانت رايحه اليوم اللي بعده ع طول تعمل عمليه استئصال للثدي وفضلت تبكي طول الليل ف سابوها الرهبان وبعد شويه سمعوا صوت تهليل وفرح ف نزلوا يشوفوا في ايه ف لقوا الام بتحكي انهم كلهم ناموا بعد نص الليل وبعدين حسيت الام بحد بيصحيها ف قامت لقيتها ماما العدراء وقالتلها انا العدراء ام النور اللي بتطلبيني ع طول وابني يسوع أرسلني عشان اعملك العملية ومدت ايديها ولمست ثديها ورشمت عليه الصليب فراحت الاورام والقرح وقالت لها اشكري ربك يسوع وقولي مع داود النبي باركي يانفسي الرب وكل مافي باطني فليبارك اسمه القدوس باركي يانفسي الرب ولا تنسي كل حسناته وفضل مكان الصليب موجود مهما غسلته وراحت تاني يوم للدكتور اكد لها انها معجزة اكيده وليتمجد اسم الرب معجزة تانيه كان ف ام من الروم كانت دايما بتيجي تدي ابونا هناك ريال وتقوله اعملي تمجيد للعدراء وتفضل تبكي قدام الصورة ولما سالها ابونا عن سر بكائها قالتله ابني اخدوه ف الجيش في لبنان وكان كل فتره يبعتلي جزاب واخر جواب كان فيه انه تعبان جدا ومن ساعتها ماطمنهاش عليه وكانت خايفة يكون راح السما وبعد 13 يوم جات الام مبسوطه جدا وادت ابونا جنيه وقالتله اعملي تمجيد كبير ابني بعت جواب وطني عليه وقالي انه لما كان تعبان جاتله ماما العذراء وادلته كوب لبن فشربه وخف ع طول ولما سالها انتي مين قالتله انا العدراء مامتك دايما تصليلي ف العزباويه وبعتاني ليك من مصر كان في ف العزباويه بير ميه كانت شاربه منه ماما العذراء ولسه موجود ع باب الكنيسه من الشمال 
|
 |
|
العرض المتطور