لكل يوم زوّادة: ربّوا الولاد ع الحريّة : 23 / 8 / 2020 /

[souad jaalouk]

لكل يوم زوّادة: ربّوا الولاد ع الحريّة

بيخبرو عن صبي زغير عم يلعب كسر مزهريّة صرخ عليه بيّو بصوت عالي و قلّو مبسوط هلّق ليك شو عملت بدّي خلّي امّك تكَسرَك! و بنفس الوقت شي مطرح بهالعالم كمان صبي زغير عم يلعب كسر مزهريّة بس بيّو ما صرخ، بيّو مسكو من ايدو و قلّو ما تزعل هلّق منّضِّف الأرض سوا و منقول sorry للماما. الولاد بيخَزنو بذاكرتن كل شي...بيكفينا صور بشعة عم تنحفر بذاكرة الكبير و الزغير! الولاد هنّي جيل المستقبل، ربّوهن عالحريّة، ازرعو فيهن الإستقلاليّة، علموهن انّو معليش اذا غلطنا عا شرط نرجع نجرّب نصلّح، قوّولن شخصيتن ما تكسروهن، قولولن انّو بكرا احلى مع انّو يمكن نحنا الظروف خلّتنا ما بقا كتير متأملين بس ممنوع و لا قوّة تقتل احلام ولادنا!...يا رب منصلّيلك عا نيّة الأطفال الملايكة اللي تركو هالأرض بكّير و منطلب منّك طاقة أمل للّي كبرو قبل وقتن بهالوطن...اعطيهن ايّام حلوة تعوّضلن و لأهلن عن كل زعل و ظلم هالإيّام...الله معكن

[walaa farouk]

ميرسي علي زوادة اليوم
ربنا يفرح قلبك

[Mary Naeem]

آمين يا رب