التقرب لرجال الله لا يدعو للتفاخر والكبرياء

[walaa farouk]

مجرد وجهة نظر ✋✋
هل التقرب الى رجال الدين شئ يدعو للتفاخر والكبرياء ؟
هل مجرد ما تبقى ليك علاقة باى اب كاهن
او اسقف ده يخليك تحس ان مفيش منك اتنين ؟!
هل مجرد ما تبقى احد رجال الدين
شئ يخليك تبص من فوق على كل اللى حواليك ؟!
لو لقيت اجابة لكل الاسئلة دى فياريت تعرف كام حاجة :
+ احترام الكهنوت وصية مقدسة ...
ولابد من احترامه فى كل الظروف والمواقف وبكل الاشكال
+ من فضلك لو ليك علاقة باسقف او تقرب لاحد رجال الدين ياريت متفتخرش بده لانه شئ مش باختيارك
ولا يستاهل تستعلى ع الناس بسببه
+ الكاهن ده انسان مختار للنعمة بس هو بشر يعنى بنى ادم زينا مش بجناحات ولا يزيد عننا بشئ غير بنعمة الكهنوت لكنه تحت الضعف ... فياريت بس تتاكد من المعلومة دى
وده لا يقلل من احترامنا للكهنوت بشئ بل على راسنا من فوق
+ الكهنوت عموما ابوة وخدمة وبذل مش كبرياء وعظمة وتكبر ...
فيعنى ياريت ميكونش هدفك انك تقرب لرجال الدين
والافضل انك تقرب للى خالقهم ومصدر كل سلطة وفخر
+ رسالة اخيرة لابائى الكهنة ...
ربنا يديم كهنوتك ويبارك ف خدمتك
بس رجاء محبة بلاش تخلونا نشعر انكم واسطة
ولا حاجة اعلى من اننا نتعامل معاكم بضعفنا .
. اقبلوا ضعفاتنا لاننا بشر زيكم وبنفكر وبنفهم وبنحب كنيستنا وبنقرا ف الكتب المقدسة ومش بنجرى ورا الكهنوت لانه شئ مبيطلبش

[Mary Naeem]

بس رجاء محبة بلاش تخلونا نشعر انكم واسطة
ولا حاجة اعلى من اننا نتعامل معاكم بضعفنا .

مشاركة جميلة جدا
ربنا يبارك حياتك

[walaa farouk]

ميرسي على مرورك الغالي