|
 |
 |
 |
|
|
|
رقم المشاركة : ( 1 )
25 - 10 - 2017, 09:40 AM
|
|||||||||||
|
|||||||||||
 مراتك بتستحمل ايه ؟؟ الجزء التاني.. الرغي وسعولي كده بقي عشان الموضوع ده تطير فيه رقاب، مراتك يا نضري لو مبتعملش اي حاجة في عيشتها بس قادرة تعيش و تتعايش مع الرغي الاطفالي فا دي عايزالها تمثال تحبّ علي ايده كل يوم الصبح و انت نازل الشغل وو انت راجع منه... طيب تعريف الرغي الاطفالي... * هو مزيج من اللت و العجن و الفتي و الهزي اللا ارادي.. و حطو مليون خط تحت لا ارادي... الطفل بيتعلم الكلام من هنا و بعدها يدخل مرحلة " الاسهال اللغوي " دي بقي هديكو عليها امثلة : - ايه ده؟؟ معدل السؤال ده من مليون ل ٢ مليون مرة... بدءا من لمبة النور لحد نملة بتتدنجل علي الارض !! - ليه ؟؟ علي اي حاجة يعني تقوليله خد اشرب هيقولك ليه، ليه بناكل، ليه اختي اسمها كارما.. ليه بابا مش اخويا !!! ليه البطة ما بتشربش بيبسي!!! اي جملة ملهاش معني هيلزق فيها ليه... * الاسئلة بتبدأ من الصبح اول ما يفتح عينه لحد ما ينام فا هي continuous and non stop .. * الرغي بلا هدف و الوصول لمرحلة الادمان يعني لو قولتيله كفاية كلام يا حبيبي هيقولك لأ بحب ارغي..و هو فعلا مش قادر يوقف حتي لو زعقتيله..بيموووت في الرغي... صدقيه الموضوع اكبر منه.. * مرحلة الاسئلة الوجودية .. الجنة فين و فين الشيطان و مش بشوف حسناتي ليه " و اهو ده بقي النوع اللي يٌحترم و لازم تقراله عشان تحضر نفسك لاجاباته و في منها نوع تاني ليه الشمس اورانچ؟؟ عايزه المس السحاب اطلعله ازاي؟؟ * الرغي بقي بيكون بمعدل ٥٠٠ كلمة في الثانية و بيكون معاه كلمة " ماما ماما ماما " و خبط في الكتف و نغز في الركب و رقع في الضلوع بصوابعهم الصغغنة دي فا بتحسي بالعقلة راشقة في ضلعك من كتر الزغد عشان تردي... * الاسهال اللغوي بيزيد اوي لما يكون عندك شغل او لو لا سمح الله هتنامي او هتفردي جسمك * مين ده ؟؟ هتتسأليه علي الناس الماشية في الشارع مع انه عارف انك مش عارفاهم بس اي سكة رغي و خلاص * في فقرة رغي اسمها " خانة الذكريات " علي رأي اصالة .... الواد تلاقيه مفعوص عنده ٤ سنين و بيحكيلك حاجات حصلتله من سنه فاتت !! مع انه بيتحول لذاكرة السمكة لو قولتيله قولي abc مثلا !! * يصاحب الرغي المقاطعة في الكلام... لو فكرتي تتكلمي انتي و جوزك في موضوع مش هتتهنوا!! هتلاقوا العيال مقتحمة الحديث معاكو من اول جملة و انك تعلميهم ان مينفعش نقاطع الكبار و هما بيتكلموا ممكن تاخد نص قرن كده ان مكانش ازيد... * في نوع رغي بيكون " هلاوس سمعية و بصرية " يقولك شوفت سبايدر مان و اكل معايا سندوتش الجبنة و اتكلمت مع الكوتشي و لعبت مع الدبانة !! و يكلم الحيطة كل ده عادي ترويييش!! * معروفة ان الرغي بيحلي اوي وقت الاكل.. عشان نتحجج و نقول شبعنا.. * رغي الاطفال مبيحوقش معاه بنادول و لا حتي ترامادول.. بالشاكوش و علي دماغك هتجيلك ارتجاج ماشي بس هتفصلي شوية رغي الستات لااااااا يقارن بلتّ الاطفال ... تخيل ان الستات الرغاية بتفقد النطق و الوعي لو قعدوا يومين مع طفلين رغايين فما بالك انت ممكن تعمل ايه... الموضوع محتاج خُلق رهيييييب و طولة نفس و ثبات انفعالي و اتزان فكري عشان متجلكيش نوبة صرع !!! مراتك مستحملة كتير اوي.. و اديني بقولك ... و لو مش مصدق اقعد بعيالك يوم من اوله لآخره و هتعرف ان الله حق.. ماما_مامي_ماما_مامي انتِ_بطلة الجزء الأول من هنا خليك سند ليها عشان متنطش من البلكونة 
|
|
25 - 10 - 2017, 12:38 PM
|
رقم المشاركة : ( 2 ) | ||||
|
† Admin Woman †
|
رد: مراتك بتستحمل ايه ؟؟
مراتك مستحملة كتير اوي.. و اديني بقولك ...
و لو مش مصدق اقعد بعيالك يوم من اوله لآخره و هتعرف ان الله حق.. ماما_مامي_ماما_مامي انتِ_بطلة رووووووووووعة حببتي ربنا يفرح قلبك |
||||
|
|
|
25 - 10 - 2017, 08:59 PM
|
رقم المشاركة : ( 3 ) | ||||
|
..::| الإدارة العامة |::..
|
رد: مراتك بتستحمل ايه ؟؟
مراتك مستحملة كتير اوي.. و اديني بقولك ... و لو مش مصدق اقعد بعيالك يوم من اوله لآخره و هتعرف ان الله حق.. ماما_مامي_ماما_مامي انتِ_بطلة روووووعة يار ينا |
||||
|
|
|
27 - 10 - 2017, 05:43 AM
|
رقم المشاركة : ( 4 ) | ||||
|
..::| الاشراف العام |::..
|
رد: مراتك بتستحمل ايه ؟؟
ميرسى لمروركم الغالى
 |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| مشكلة الناس اللي بتستحمل كتير أوي✋ |
| روح شوف مراتك بتخونك مع مين !! |
| مراتك مش عبء مراتك قلب حافظ عليه |
| مراتك مش زنانه ... |
| مراتك ماتت |
العرض المتطور