|
 |
 |
 |
|
|
|
رقم المشاركة : ( 1 )
03 - 07 - 2017, 01:08 AM
|
|||||||||||
|
|||||||||||
|
قوة الست فعلاً في مشاعرها .. مش زى ما البعض فاكر انها نقطة ضعفها!! مشاعر الست جياشة وبيها بتقدر تخلق السكن اللي الراجل مفتقده في خشونة حياته .. ولعظم مسؤولياته .. هى الدلال .. هى الحنان .. هى المرفأ الذي يرسو عليه بعد التعب .. ويهرب فيه من عالم الرجولة والصرامة .. المشكلة ان الست كائن هش جداً .. هش من جواه .. الهشاشة سببها عدم ادارة مشاعرها صح .. وصعوبة ادارة مشاعرها ناتج عن تركيبة دماغها .. مشاعرها عشان حاضرة على طول في اى تفكير عاقل بيسبب لها ضغوط داخلية .. فممكن تلاقيها من كتر الوجع .. تفقد احساسها تماما وتبنجه .. وبكدة حتبقى فقدت قوتها .. وقدرتها على تقديم الاحتواء والسكن .. كتر الوجع بيخليها تنطفي .. هى بتتغذى على أخذ الحب .. كل واحدة الحب ليها له معنى قيمته عالية عن التانية .. بس مفيش ست مبتحتجش الكلمة الحلوة تحسسها بأنوثتها .. واللمسة الحنينة الناعمة تحسسها بأنها ملكت الكون كله .. ودي مبادىء الحب اللي تجتمع عليه النساء باختلاف رؤيتهم لطريقة أخذه .. للأسف كتير بتصطدم بخشونة الرجل في اسلوب كلامه معها .. بينسى حضرته انه بيكلم ست وبيعاملها زى ما بيعامل صاحبه .. بينسى ان هى محتاجة اكتر حاجة الكلمة واللمسة .. ويفضل يبذل في النواحي اللي بيفهمها اكتر .. زى جهاد طلب الرزق .. ومنهم بيحاول يبذل في البيت بأنه يشيل عنها (مش حتكلم عن الي راميين نفسهم على الست تشيلهم) .. من فضلك راعيها .. من فضلك افهم انها كائن مختلف عنك .. من فضلك بطل تحبها بس بطريقتك انت .. بطل تحمل عليها عشان اتخدعت بقوتها الظاهرة .. انت كل ما بتحمل وهى كل ما بتشيل كل ما بتقلل غصب عنك انوثتها وبتقلبها شبهك .. الكلمة الحلوة .. الدلع .. عمرهم ما كانوا صعبين .. وتقدر تكتسبهم .. ميقللش من رجولتك .. عاملها زى ما بتعامل بنتك .. ولو انت دي كمان ناشف فيها .. طيب عاملها زى ما حتعامل بيبي صغير .. اهى خطوة اولى لغاية ما تتعلم .. وجرب تطبطب عليها من غير اى سبب .. خدها في حضنك كتيير .. نيمها على رجلك .. خليك دايما سابقها بخطوة في الحنان ده .. وحتدعيلي من الحنان اللي حتتفاجىء بيه مغرقك .. ايوة ما انت اللي قفلت الحنفية للسكن والاحتواء لما عاملتها بخشونة .. لانك حولتها لنفس تكوين الراجل .. وبقت خشنة زيك .. هى لا اراديا لما تحبط .. لما تتوجع .. بتعلي القوة .. بتعلي الحواجز ظنا منها انها بكدة بتحمي نفسها .. هى دايما شايفة عواطفها بتضعفها .. فعشان تقدر تحس بعواطفها وتسلمك حب وحنان .. لازم تبني بينك وبينها مساحة من الأمان .. لما تعبر عن اللي جواها حتلاقي قبول .. حتلاقي حنان قصاده .. فلما تكسب مراتك .. وتريحها .. وتحسسها بالأمان المعنوي المطلوب عشان تتفتح وتبين لك حلاوة دفئها .. اتعلم ان دي اوقات مقدسة .. لا ينفع فيها تريقة ولا انتقاد ولا مقارنة .. لان الاساليب السلبية دي كلها بتهددها وتحسسها بعدم امان فترجع تتشرنق تاني .. وتوريك شرنقة ضلمة وتخبي نفسها جواها .. العامل الاكبر عليك .. الست لو اتشرنقت .. بيكون صعب اوي انها تتحرر لوحدها .. تشريف الله لك بدرجة من متطلباتها انك تفهم ان البداية من عندك مش انك تتبغدد وتسيب الشغل عليها كله!! .. فوق استطاعتها انها تفك نفسها بسبب غلطاتك .. لازم انت تقدم الدعم .. تقدم الامان عشان تلاقي مراتك فتحت قلبها ليك تاني .. فتصحصح انوثتها اللي بسبب خشونتك واهمالك اتدفنت .. 
|
|
03 - 07 - 2017, 09:59 AM
|
رقم المشاركة : ( 2 ) | ||||
|
† Admin Woman †
|
رد: قوة الست في مشاعرها
لازم انت تقدم الدعم .. تقدم الامان عشان تلاقي مراتك فتحت قلبها ليك تاني .. فتصحصح انوثتها اللي بسبب خشونتك واهمالك اتدفنت ..
صح يا قمر ربنا يباركك حببتي |
||||
|
|
|
03 - 07 - 2017, 10:28 PM
|
رقم المشاركة : ( 3 ) | ||||
|
..::| الإدارة العامة |::..
|
رد: قوة الست في مشاعرها
ميرسى على مرورك الغالى  |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| نحن نريد ان نكون مثل مريم التي تحكمت في مشاعرها |
| الناس الوفية في مشاعرها |
| أظهرت حنة مشاعرها الفياضة نحو ابنها |
| ليس المهم في صلاتك كلماتها، بل مشاعرها |
| شهدت للرب برقة مشاعرها |
العرض المتطور