ازاي تبسط مراتك؟

[روشا الفرفوشه]

ازاي تبسط مراتك؟
1- ابتسم وأنت بتفتح باب البيت .. حسسها انك مبسوط انك شوفتها
2- قل لها : وحشتيني .. ايه الشياكة دي
3- إديها مصروف. تجيب بيه اللي نفسها فيه وخصوصا لو مش بتشتغل
4- أول ما تصحى من النوم طبطب عليها زي الأب ما بيطبطب على بنته
وطبطب عليها بعد ما تخلص شغل البيت .. ساعتها بتبقى مهدودة فعلا
5- ..اشكر فيها قدام مامتك وفي نظافتها
6- ما تقارنهاش بحد علشان هي ما تقارنكش بحد
7- مش ﻻزم تحكي عن زميلتك في الشغل الباشمهندسه والدكتورة..
8- خرجها مرة كل أسبوع بلاش تحبسها فى البيت
9- أشكر في أهلها هتنبسط اوى واظهر حبك ليها قدام اهلها عشان تتباهى قدامهم بعلاقتك بيها وبحفاظك على كرامتها
10- لما تتعب وتسخن ارقيها وادعيلها واعملها ينسون واظهر شوية موده ورحمه من اللى ربنا قال عليهم
.. يعني كأنها عصفورة محبوسة في قفص وكانت فرحانة بيك لما اختارتك واتجوزتك فمتخيبش ظنها وحطها في عينك واتق الله فيها عشان ربنا يكرمك .
واعرف ان الدنيا داين تدان.

[virgen mary]

توبيك جميل
شكرا ربنا يبارك خدمتك

[Mary Naeem]

مشاركة جميلة جدا

ربنا يبارك حياتك