زوادة اليوم: الثقة بالربّ 2024/9/20

[walaa farouk]

زوادة اليوم:
الثقة بالربّ

بيخبّرو عن عصفور دوري عايش كلّ حياتو بالخوف والفزع والأسئلة.

كان بعدو بالبيضة لمّا صار يقول :

«معقول إقدر إكسر هالقشرة؟ هيئتها قاسية،

وأهلي رح يقدرو يأمّنولي أكل لكلّ يوم»؟

هرب من كلّ هالأفكار، بس ما طوَّل حتَّى لاقى غيرها.

كان واقف عالغصن عَم يرجف خيفان، قال :

«معقول جوانحي رح يحملوني؟ يمكن موت، ومين رح يهتمّ فيّي»؟

أكيد تعلَّم الدوري يطير بس بقي ينِقّ :

«معقول لاقي شريكة حياتي؟ رح إقدَر عمِّر بيت حلو لعيلتي؟
رح إقدَر إحمي ولادي من الباشق والبسينة»؟

وقضَّى كلّ العُمر عايش بالخوف ومات بالخوف.

الزوّادة بتقلّي وبتقلَّك :

يسوع بيقلّنا تطلَّعو بطيور السما، لا بتزرع ولا بتحصد،
وكيف بَيّكُن السماوي بيأمِّنلها معيشتها وبيهتمّ فيها.

أكيد هالعصفور ما إنتبه إنّو بدون ما يحسّ كلّ شي تأمَّنلو بحياتو،
ونحنا هيك، أوقات كتير مننسى إنّو الربّ قلّنا ما تخافو ثِقُو بي،
والله معكن.

[Mary Naeem]

شكرا على الزوادة
ربنا يفرح قلبك